2008年12月31日

過了一個好開心又sweet的大除夕 ~~
我今日都係冇得放早呀，你就可以放四點，但你就先要趕返屋企，因為約左人5-7點到你家 set 部新電視，初頭都有d擔心你要弄好耐，但好彩都可以係6:30前攪掂，7點鐘就可以見到你啦 ~
今晚去了銅鑼灣的S Melange晚飯，早於2星期前就已經book左枱，餐廳的氣氛同埋佈置都唔錯，食物仲好好味，好開心見到你食得開心呀...而你就話見到我食野時個樣會好開心，哈哈哈... 我知你係取笑我多個欣賞我個食野樣 ，晚飯期間，我地互相餵黎餵去，你估對面枱果對"情侶"唔知會唔會睇到眼火爆呢 ，我地影左好多相呀，我特別喜歡侍應為我地影的合照呢 。
之前我告知你，我地可以於晚飯後 join 我地的common friends count down 同埋睇煙花，因為common friend 係近尖吵咀海旁的餐廳預留了一張枱慶祝，餐廳仲幫我地留左飛，可以去macao polo hotel 的天台欣賞煙花，但是講完俾你聽之後，都好似打動唔到你咁，你亦表現得不感興趣，說 "睇下到時點"，通常你咁答，都係等於reject 我，正如我話想睇王力宏concert，你都係答我 "睇下到時點"，結果不了了之 。因為今年第一次同你過，我想可以好d呀，唔想好似d拍左十年拖的情侶咁，諗唔到可以點慶祝，就咁食完晚飯返屋企呀..... 後來我都打定了輸數，最多未返我屋企count down 囉，我間房都望到下IFC2既，最重要都係可以同你一齊過啫。但後尾諗諗下，我估你係想我地2人世界，多過成班friends一齊過 hehehehe .... ，係未估啱左呀
結果晚飯後，我索性話俾你知我其實真係好想好想同你睇一次煙花呀 (雖然今次個煙花極流料)，知道你唔喜歡多人，又鍾意同人迫，返屋企count down 的機會 over 9成呀...但你居然同我講，咁唔一定要join common friends 呀，我地倆個自己去尖吵咀睇都得架，嘩 !!!! 聽到你咁講真係好好好好開心呀，因為你肯就我，唔怕迫同我去睇煙花 ，真係鍚哂你呀。我地由九龍公園行去海港城，途中居然俾我地搵到一個唔多人又可以睇哂成個維港view的地方，因為好大風呀，有點冷，我地兩個攪到實一實咁等睇煙花，真係好開心，好sweet 呀，雖然凍，但個心好warm呢 ，感覺好正，我會好好記住這一晚與你相處的那一刻係個腦裡面 。
睇完煙花之後，我地急急腳咁行去佐敦搭小巴返我屋企，途中真係好多人，但唔緊要啦... 有你拖住我呀嘛 。我真係覺得今晚好難忘呢 。

2008年12月28日

中午，你打電話給我，說你今早九時起床後，做了很多野，包括：飲茶啦、去探你公公啦、終於買左部新電視同埋報左旅行團，聽到你話報左團，我個心都停了一下，知就知你打算同你媽媽係農曆新年期間去旅行，但之前都冇聽你講話會去睇下d團，突然間話俾我知報埋名添，仲要去成8、9日咁耐，之前以為你去4、5日都覺得好多，依家仲要去咁耐，想掛死我咩 !!
在電話中，可能你感覺到我唔開心，所以專登放學之後與屋企人食飯前既一個小時，好趕咁走黎搵我，真的很喜歡實實在在的攬住你，如果今日冇見到你，肯定又要掛你掛到31號先見到。我唔係真係唔開心，只係感覺怪怪，你會有好多日唔係我身邊，見唔到之外，又唔可以講電話，仲要咁多日喎，平時冇見幾日，我都會好掛住你，夜晚又習慣左同你講完電話先瞓，咁冇你果幾日，我點過好呢 ? 雖然話可以同我另外一D朋友去旅行，但我就覺得完全冇果種去旅行的心情囉..
我明你媽媽都需要你陪，你都應該同你媽媽去下旅行，你說原本係聖誕節去旅行的，但因為今年係我倆的第一個聖誕節，你想跟我一起過，所以已經延遲了。其實，我都係唔知我個長假期點好啫..
引用(0)

2008年12月26日

今天，你第一次來我家 ---- 見家長呀 ~~
早上，你先去探望你公公，將近下午，我地係尖吵咀meet up，去睇下要買d乜野上我屋企。我地行左 "詩詩縮扒"同埋惠康，finally 決定買左一支酒，一d生果同埋一盒cookies。
去到我屋企，跟大夥兒吃了一些cakes，再閒談一會，就打麻雀耍樂，triple-o 的情況沒有係你身上出現，反之出現係十年唔一潤的姐夫身上，佢真係從來都冇咁樣嬴過。你同我屋企人都相處得幾好 ~ 我爸爸平時都好少讚人，佢都話你唔錯，但仍奉勸了我一句 "別期望過高，小心大熱倒灶"，因為我始終未見過你屋企人喎..
我真係好開心，因為你與他們的相處handle得很好，你仲話你個樣咁得人鍾意，梗係個個都喜歡你 (你開始得戚啦~)。

2008年12月24日

今年係我倆過的第一個聖誕節。早於2-3個星期前，你已經book左枱、交了deposit，讓我們可以係一個寧靜又可以向海的地方吃一頓美味的平安夜晚飯 。
今年的平安夜，公司沒有放早的計劃，所以我照舊6時半才可離開公司，約放工的時間，你已經係我公司樓下等緊我... 見到你的時候，你拿著一個好大的sogo袋，嘩 .... 原來我份禮物係咁大份既....
我地係中環乘巴士到赤柱晚飯，巴士的冷氣很冷，我要從袋中拿我的頸巾繫上，你不禁望下我袋裡面的東西，很心急要看看你份聖誕禮物是什麼嗎.... 我還是不要讓你看，再晚一點吧 ，過了一會，我仍覺得很冷，可能個冷氣口吹著我吧，你就讓我換上你較暖的頸巾，咁我就即刻"暖"哂，鼻子也沒有"索索"聲了 。
到了赤柱，我地不停為周圍的環境影相，再閒逛了一會，就去了預先book左枱的MIJAS晚飯，雖然坐outdoor，但我不覺冷呢，因為我正正坐在暖爐之下，那當然亦因為有你在身邊啦..... 晚飯很美味，環境又好，有幾位外國人向每枱的客人彈結他唱唱情歌，你點了你很喜歡聽的 imagine，我倆放下刀叉，細心的聽著，果一刻，時間就好像停頓了只剩下我倆~~ 尾段喝咖啡的時候，我看見你那了一支牙簽，像是要清潔下d牙齒，但原來唔係喎，你係用支牙齒係d黃糖上劃了一個心心呢.. 哈哈.. 忽然覺得，原來你也懂浪漫的.. hehehe ... (你睇到呢度，係未好想搣我塊臉呀 )。
回程啦~ 我地乘巴士出灣仔，再巴士上我地互相拆禮物，我一口氣送埋新年禮物給你，你喜歡我織的頸巾嗎 ? 係未唔多覺我同你講我有織，但係又可以趕起聖誕節完成到送俾你呢，其實係我每晚跟你講電話之前密密咁織架，仲要夾啱時間攞俾家姐幫我埋尾，咁長的頸巾真係織到手都緊唒，雖然都有唔少的錯處，但係希望你會鍾意啦... 另外仲送了一份你可以用又有紀念性的禮物給你，送這份禮物給你，係因為我有一剎那的片段係我腦海中閃過，片段係數年後.. 或者更耐的日子以後，你拿著這份禮物跟我說，你睇 "係你送俾我的第一份聖誕禮物呀"....
你送我的禮物，我很喜歡呢... 我時時都想有一個咁樣的音樂旋轉木馬，很細緻...很美.... 是因為你記得我在逛街的時候說過喜歡嗎 ? 謝謝你呀
在街上看見一對對愛侶跟自己心愛的人一起過聖誕節，我忽然好像明白了一點事，亦好像明白到多年來我缺少了什麼，你在我既身邊我應該學懂珍惜，不要輕易被唔開心的感覺侵佔自己，我要享受每一刻跟你一起開心的感覺，我很開心今年有你係我身邊，讓聖誕節在我心裡有了新的意思，新的記憶，真的很感謝你係我身邊，我有一種好 peace 的感覺...

2008年12月24日

今年係我倆過的第一個聖誕節。早於2-3個星期前，你已經book左枱、交了deposit，讓我們可以係一個寧靜又可以向海的地方吃一頓美味的平安夜晚飯 。
今年的平安夜，公司沒有放早的計劃，所以我照舊6時半才可離開公司，約放工的時間，你已經係我公司樓下等緊我... 見到你的時候，你拿著一個好大的sogo袋，嘩 .... 原來我份禮物係咁大份既....
我地係中環乘巴士到赤柱晚飯，巴士的冷氣很冷，我要從袋中拿我的頸巾繫上，你不禁望下我袋裡面的東西，很心急要看看你份聖誕禮物是什麼嗎.... 我還是不要讓你看，再晚一點吧 ，過了一會，我仍覺得很冷，可能個冷氣口吹著我吧，你就讓我換上你較暖的頸巾，咁我就即刻"暖"哂，鼻子也沒有"索索"聲了 。
到了赤柱，我地不停為周圍的環境影相，再閒逛了一會，就去了預先book左枱的MIJAS晚飯，雖然坐outdoor，但我不覺冷呢，因為我正正坐在暖爐之下，那當然亦因為有你在身邊啦..... 晚飯很美味，環境又好，有幾位外國人向每枱的客人彈結他唱唱情歌，你點了你很喜歡聽的 imagine，我倆放下刀叉，細心的聽著，果一刻，時間就好像停頓了只剩下我倆~~ 尾段喝咖啡的時候，我看見你那了一支牙簽，像是要清潔下d牙齒，但原來唔係喎，你係用支牙齒係d黃糖上劃了一個心心呢.. 哈哈.. 忽然覺得，原來你也懂浪漫的.. hehehe ... (你睇到呢度，係未好想搣我塊臉呀 )。
回程啦~ 我地乘巴士出灣仔，再巴士上我地互相拆禮物，我一口氣送埋新年禮物給你，你喜歡我織的頸巾嗎 ? 係未唔多覺我同你講我有織，但係又可以趕起聖誕節完成到送俾你呢，其實係我每晚跟你講電話之前密密咁織架，仲要夾啱時間攞俾家姐幫我埋尾，咁長的頸巾真係織到手都緊唒，雖然都有唔少的錯處，但係希望你會鍾意啦... 另外仲送了一份你可以用又有紀念性的禮物給你，送這份禮物給你，係因為我有一剎那的片段係我腦海中閃過，片段係數年後.. 或者更耐的日子以後，你拿著這份禮物跟我說，你睇 "係你送俾我的第一份聖誕禮物呀"....
你送我的禮物，我很喜歡呢... 我時時都想有一個咁樣的音樂旋轉木馬，很細緻...很美.... 是因為你記得我在逛街的時候說過喜歡嗎 ? 謝謝你呀
在街上看見一對對愛侶跟自己心愛的人一起過聖誕節，我忽然好像明白了一點事，亦好像明白到多年來我缺少了什麼，你在我既身邊我應該學懂珍惜，不要輕易被唔開心的感覺侵佔自己，我要享受每一刻跟你一起開心的感覺，我很開心今年有你係我身邊，讓聖誕節在我心裡有了新的意思，新的記憶，真的很感謝你係我身邊，我有一種好 peace 的感覺...

2008年12月17日

今晚，係你第一次同我的中學同學一齊食飯。
快要放工的時間，打電話俾你看看在那兒等埋一齊去，心想多數你都已經係我公司樓下等緊我，但係，今次冇呀.. 你仲話俾我知你要回公司再做一些事，我問你要整幾耐，答案係cannot be estimated ，小女仔亂諗野既心態又即刻走哂出黎呀..... 唔通你想縮沙 。跟住就不斷係度諗，咁點呢 又唔知幾多點走得，咁同學們等唔等埋你一齊先食飯好呢 ? 食住等又唔係幾好喎 。幸好，你都可以準時到達，我很高興呢 ~
是夜，我地去左新世紀廣場的湘川滬晚飯，點了烤鴨(2食)、上海粗麵、瑤柱蛋白炒飯、小籠飽、豆腐皮蛋、八寶盤、松子魚同埋炒豆苗。我只係記得個小籠飽好好食，裡面d湯可以載滿一隻飲湯的匙架 ，其他的餸菜都 ok 好味啦 ~~ 席間，你跟我的同學仔都有傾講，最好玩係交換禮物 ，開始的時候，我仲怕你好悶添 。
晚飯後，我倆沒有跟大夥兒走，係旺角行左一陣，睇左LCD電視，跟住你就送我落地鐵站，我話你知我會先搭去油麻地站，因為可以有位坐，我已經入左閘啦..你就係閘外猶豫緊好唔好同我一齊去油麻地站，因為如果去油麻地站，你都勉強啱路返自己屋企，後尾你都決定同我一齊行，可惜當你拍card的時候，發現八達通冇哂錢，我同你講 "註定你唔使同我一齊搭地鐵呀 "，你當時個表情好似好唔捨得咁。

2008年12月16日

知道你今天晚上會特意外出去買我份聖誕禮物，會見唔到你，所以我就放工後，自己乖乖返媽咪家吃飯，搭地鐵的時候，打電話給你，你說你係尖沙咀站去緊銅鑼灣，而我亦已經去到金鐘站啦.. 你問我見唔見面，我話 "吓.. 見兩個站牙" (心諗: 咁小，好過冇啦 ~) .... 哈哈哈... but finally 我地stay together 兩個鐘囉，一齊係銅鑼灣出站，跟住我陪你係澳門茶餐廳吃晚飯 (去唔到澳門，去住間茶餐廳 )，再閒逛一會，才回媽咪家吃飯，而你就繼續去買我份聖誕禮物。咁都要見下，我地係未好癡纏呀.. 。

2008年12月15日

我：有冇掛住我呀 ?
你：有... 好似"衫架"咁.
我：.......
你：由朝早起身"掛"到夜晚瞓覺囉..
我：哦..... (個心"戚"左一下)

2008年12月13日

早上，又聽到你的甜言蜜語啦~
約十二時，打電話給你又係冇人聽 ，唯有又等你見到missed call 再回電給我 。待一會後，你打電話給我問我為何這麼早起床，我說十點幾已醒了，你說不敢咁早打俾我，話 "唔想嘈醒我 lover，怕跟住唔love我"，果一下，太早啦 ! 我不懂俾反應你呢
下午，你去上學去，我就待在家裡小休，好等在晚上返學的時候有足夠的精神。你放學後去了閒逛，話去買我份聖誕禮物，抵錫 。而我就吃過一點東西就去上堂了，晚上放學回到家後，我見有點唔舒服，所以吃下感冒藥準備睡覺。同樣地，睡前我們都會談電話，但談了一會，我見想嘔，所以快快掛線，衝去洗手間，嘔了一點，情形就好似幾個月前一樣，休息了一會後，你再打電話給我問我怎樣，我還氣喘著呢，喉嚨被胃酸弄得很痛，再談一會，我又想嘔，今次來不及掛線就要衝去洗手間了，你在電話的另外一端都聽到我的嘔吐聲，唉.... 真的很辛苦呢 ，你著我早點去睡，還在電話裡頭吻了我幾下，說要鍚埋我個胃等我快d好 .. so sweet 啊 果一刻，真係好想你係我身邊，等我可以嗲下你

2008年12月12日

是夜，你俾人放飛機，所以我地又可以見面啦，哈哈哈... 。
我地去了銅鑼灣逛逛，因為想起要買禮物給姨甥們，所以去了city super 睇下有冇乜野係合適，但遊走了一圈都唔覺有啱的物品，所以決定先去醫肚。去了金百利商場內的越南餐廳，點了咖哩牛腩、粉卷、菠蘿炒飯、菜，味道ok啦.. but 可以更好，都係我地上次係西貢食果間好味d ，幾時下次再去呢 ? 你一定會答 um...... "下次" 囉 ~
晚飯後，我地再行了一會sogo，終於買了禮物俾我姨甥們啦，希望他們會喜歡 。
你回到自己家後打電話給我，問我為何依家冇打番電話俾你問你返到未，係未開始唔緊張你 ，聽到你咁樣問都有d唔開心，唔通我緊唔緊張你，你會感覺唔到嗎? (可能你講呢番說話時真係feel唔到) 知你有時未返到，或者仲係澡緊涼，根本都唔會聽到電話既，我打俾你都冇用，只會飛去留言，試過幾次係咁，我未乖乖係屋企等你ready先打俾我囉，唔係唔緊你喎 .... 鍚番你啦 ，下次唔准咁講架
其實很喜歡見到你呢，見到你的感覺真好

2008年12月11日

這晚，你要上學去。
我放工後回媽咪家吃晚飯，之後，又返回金鐘接你放學，我係未好乖呢 ? 你開唔開心架 ，唔知你係未怕同學仔見到我黎接你放學呢 ? 你每一次都唔會即時拖我架..都係行左一段路仔先拖，仲會望返轉頭添，唔通怕羞
Anyway, 見到你好開心呀，因為你今日好型仔呢.. 穿了新波鞋、牛仔褲，仲有件著得你幾好睇既外套.. 好sharp呀 。我接完你放學，諗住同你食d野，但後尾變左你送我返屋企 ，係巴士上雖然你係睇住magazine，但你唔會冇理我，因為有d人會好似你還你，我還我咁，各自做自己既野，但你會留意我留意緊d乜，有幾次如果我隻手冇撓到你隻手，你又會伸隻手臂俾我，示意我撓著你 ，仲一邊捉住我隻手一邊揭下一頁，其實我都有點累，有幾下想係你膊頭挨下 ，但見到你，少少攰都冇乜所謂啦 !
你問我你手臂d muscle 有冇firm 到，話要係黎緊既24號有最佳的狀態 ..... 而家諗起都覺得好好笑 ，咁我等著撓你強壯既手臂啦 ~~

2008年12月10日

有人頭仔痛、有人好眼瞓，但仍然等我夜深回家後，睡覺前，講埋電話先睡覺... 抵鍚

2008年12月8日

今朝唔知係未洗完澡穿衣服的時候，冷了一冷呢，一返到公司後就開始傷風了 ..
死啦..... 今晚仲要同你去睇航天科技展架嘛，我怕自己病呀... 所以史無前例咁去pantry拿了兩粒傷風感冒丸吃，我生平最討厭吃藥，但怕自己病情加深後見你唔到，所以唯有乖乖就範 ，我係公司仲著住件外套唔肯除呀... 我老闆問我係未發冷。其實我都唔知係鼻敏感變傷風，還是冷親。
吼 ! 等我用好想見你的念力，令自己快d好番先 。
晚上，已經沒有流鼻水啦~ 心情要好的跟你去吃上海菜，點了你最愛的上海粗炒、獅子頭，同埋我最愛的小籠飽 ，吃飽飽後就去行航天科技展了。我地係科技展影左d相，有太空人係太空的食物、返回倉、仲有一個好大好大的降落傘，當然唔少得既係太空人的衣服啦 ，你仲學識左點樣用個新相機影室內影得靚添 ~

2008年12月5日

終於見到你啦，你繫著頸巾，好斯文，好型仔咁喎 。
你帶我到你常常提及的拉麵店晚飯，又真係幾好食喎，他們的餃子也很不俗呢 ~ 你不停說他們的拉麵好味過味千很多，那當然啦.. 我地係門口吹風吹了一小時，其間等位的人並沒有因為久等而離開，就知道他有一定的fans 啦... 你仲話間拉麵店已經營業了很久呢 。
下次我要order一款有蛋的拉麵，因為他們的蛋真的很吸引，就好似不停向你揮手，叫著 "食我啦..食我啦"咁 。
橫綱 - http://www.openrice.com/restaurant/sr2.htm?shopid=4156

(呢篇blog我打左3次啦，成日都upload唔到 !!!! )

2008年12月3日

唔知點解心裡面有種好不安的感覺，好想見到你，好像要見到面才可以確定某d事咁，但可能最快都要等到星期五 ..
你說我最近好似冇講話想攬住你.. 傻佬，我當然想見到你，可以實實在在咁攬住你啦，只不過係這兩天的心情令我說不出口啫..
幸好，我地基本上都解決了問題，希望日後唔會咁啦... 好唔鐘意這種 uncertain 的感覺

P.S. 男女大不同
兩句句子 : (1) "媽, 我想帶個女朋友見你" (2) "媽, 我女朋友想見下你"
男人會覺得這兩句句子沒有分別 same same..
女人會覺得句子 (1) 的男仔好重視自己的女朋友，所以想媽媽見下，而句子(2)可能個男仔會覺得個女朋友見唔見自己媽咪都冇乜所謂，個女仔想見未帶佢去見囉~
I can quite sure that 你睇完之後會講 "梗係唔係啦~ 痴線"..

2008年12月1日

你打電話俾我話想book平安夜的晚飯，之前睇左赤柱有間餐廳唔錯，問我個位向海好唔好 ，仲問我個menu 啱唔啱食，其實只要果日係同你一齊過，食乜野都冇乜所謂啦~ 因為這將會是我第一次跟自己的男朋友過的聖誕節... never tried，更係我地第一個聖誕節呢 。

2008年11月30日

不能說的....生日願望 ~~
好口密喎你... 哼! 遲d先再問你

2008年11月29日

今日你生日呀 !! 生日快樂，身體健康呀
一早起來，頭耷耷的過海，去灣仔拿我先前訂左的蛋糕，我知你喜歡吃Blueberry cheese cake，而Teresa Festival 的 blueberry cheese cake 係我食過最好食既，所以我不理有幾遠都買俾你，同你慶祝生日呢 。
拿完cake，回到家後，就準備出發去CU接你放學啦 ~~ 接放學之前，我先去又一城的Log-on 再睇睇有冇sparkling candles，但係佢地的sparkling candles 同我之前係 "詩詩縮扒"買左的candles 一樣既，但係sparkling 的效果同我的相像有好大的出入囉，但你話唔緊要啦，因為 "love sparkling fire is burning among you and me" ... lump 哂，hahahaha..
去到CU啦.. 終於見到你，你今日好靚仔呢 ，你問我份生日禮物係未擺左係屋企，我話緊係啦 ~~ 跟住，我地出發去沙田，轉車入西貢食晚飯 。 之前，我已經book 左 table 係 pepperonis 食飯，你好似都很喜歡這間餐廳呢，我地order 了 ribs (half serve)、意大利黑菌雲吞、pepperonis special 的pizza 、仲有牛柳串燒， ribs 同埋 pizza 好似係我地覺得最好食的食物呢。晚飯後，我地漫步了一會西貢 (so romantic )，天氣很冷，我隻手好凍，你不停問我係未覺得冷 ，有你咁溫暖的手點凍都暖番哂啦 。
離開西貢後，我地去了九龍灣影了少少相，跟住就番我屋企食蛋糕同收生日禮物啦~ 你喜歡份生日禮物嗎 ? 我睇左好多間shop 先買架，個sales 不停話個背包的後半部，係設計成方便放 notebook 架，知你之前想買個bag 放 notebook，同埋個背包又爛左，所以想這個袋就正正合你用啦.. 希望你喜歡啦.. hehe，我係未好叻呀 抵鍚嗎 ?
食生日蛋糕啦 ~ 你不停說好好味 ，你曾經講如果果d食物，你食左之後，不停話好味，咁即係話真係好好味 ，好開心你真係喜歡吃呢 ~~
One More ~~ Happy Birthday My Love !!

2008年11月27日

一日不見如隔三秋 ...... 隔左幾多個秋呀~~

2008年11月26日

是夜你要night job，所以我早早在媽咪屋企吃過飯後，快快回自己家跟你談電話，希望跟你早點談完電話，你就可以係night job前早點睡一會。跟你談至九時，你說要去睡覺了，著我十一時弄醒你，係你睡覺的時間，我就上網打機。
但到九時半，你居然send msn 俾我，吓 !! 你唔係應該瞓緊既咩，跟住你就打電話俾我啦... msn 的內容係關於我係facebook 寫了一個唔係英文的legal term 的文章，你好叻呀，仲search 到果個term的由來... 好有我心，我係知道你既心意既 ，但係咁樣你就少了睡覺的時間，我又唔係好想喎 。
談電話的時候，你說到 "咁你係未鍾意我呀 ?" 我答 : 係呀。 跟住你就話："係咁，咁你應該話俾我知你的疑惑係乜野喎 ~"。忽然間，我覺得你叻左... 因為我估唔到你問完我第一個問題之後，個further question 係咁樣。我覺得我地越來越似一對，或者你會問，我地不嬲都係一對架啦，但係我真係咁諗喎，可能係 physically and mentally 的問題啦 。
你 night job 至早上八時，希望你爭取多d時間睡覺啦~ ，我唔想你生日那天，我只係見到一個不懂反應，眼袋超大的熊貓呀 ..

2008年11月25日

忽然記起，前幾天.. 應該係上星期五，你跟我說了一句我第一次聽到的說話，好深刻，好.... 好唔之點形容，感覺很特別呢
你好衰架 !! 夜裡跟你談電話的時候，唔理我同你講d乜野，照樣要估哂人地為你生日而安排的事 ，都未發生... 人地想俾d驚喜你呀嘛 ... 不過，幸好你都明白我的心意，識得 appreciate 。
跟你說我要同一位朋友食飯，你說你沒有hard feeling，仲話暫時冇人對你有威脅 ......... 你說 "妳個心已經鎖左係我個夾萬啦.."

2008年11月23日

九點半就起床啦.. 好早呢 .. 你說要跟我去飲早茶，真係好早囉... 我好想再瞓呀，心想飲完茶之後，我一定要回家再瞓過.. hahahaha 。接著，去了九龍灣的大榮華酒樓，d野食都幾口味呀，可能係同你一齊食啦 。
飲緊茶的時候，你忽然提議跟住上山頂，噢.. 我的再睡眠的計劃唯有告吹了，因為我唔想你咁快走呀嘛，亦因為仲好想見到你呀嘛 ，所以都覺得你的提議唔錯囉 ，但但但我地final的決定居然係................. 入長洲 (有點玩大左 ).... hahahaha
接著，我地去了中環，轉乘船到長洲，我地就好像自由行咁，拍了很多相呢.. 因為我從來沒有到過長洲，你說帶我去張保仔洞看看，原來去張保仔洞係要行一大段路架，之前飲茶食既野都一早消化哂 lu ，於是我地買左一個砵仔糕兩份吃 ，到過張保仔洞、拍過一些照片後，我地走回碼頭的另一邊，期間我地又吃了兩餐 - 有公司三文治啦、炸菜水餃麵、魚蛋牛腩麵、牛丸牛筋米粉，兩個人食左好多野呀，所以要再行多d消化下，再行行行遊走於店舖之間，跟住去到一個沙灘呀，天氣好好，又有微微的涼風，如果唔係穿著波鞋，又如果唔係穿著長褲，我都好想跟你漫步沙灘，浪漫浪漫下...
回到中環後，我地再坐船去尖吵咀拍照，海港城的聖誕燈飾一向都好signature，我地好sweet sweet 咁影左好多合照，我真係從來都未試過呢 ，好好彩既係，我地仲影到火車出發的相呢。
太累了~ 夜裡，等你的電話等到睡著了呢，已經沒有印象自己係怎樣拿起聽筒啦 ，跟你說話的時候好似仲有點語無倫次添..係未呀
是次，我地相對了26小時.... lump lump 呀 .

2008年11月22日

今天，去會合我們的common friends 晚飯前，跟你去了旺角買你的新玩具 ---- 相機是也，很開心的是你買了一部價錢及功能都合心意的相機，以後我地可以隨時隨地拍照，把我們一起遇到的事物都一一記下，eeee.... 點解咁似講緊我個blog既 ~
差不多到晚飯的時候了，我們手拖手去見common friends，印象中好像是第一次 ....我們一行6個人去了歷史悠久的鹿鳴春，吃了很多很多很多呢... 然後再去了 spasso 飲野 ...
接著，當然係你送我回家啦~~ but 送完之後你冇走到，仲係我屋企過了一晚添 。

2008年11月21日

前一天跟你說，如果你仍覺得不舒服，返工的時候又不方便給我電話，就sms我話我知夜晚出唔到街... 整天沒有收到你sms，心想咁即係照樣出街啦~
將近放工的時候，打電話給你，問你去到邊度 ? 殊不知原來你對我地以上的對白毫無印象，以為取消了去街的事，仲特登走過黎接我放工俾個驚喜我..... 我都唔知好嬲定好笑 。你忘記了我們的約會，但係你又會記掛我，特登咁遠走過黎接我放工.... 好矛盾呀 ~~
當我離開公司，下樓找你的時候，你說已經跟你媽媽說不回家吃飯了，我們可以如常出街，唉.... 死緊啦.. 你媽咪實會認為我唔好啦...
算啦... 唔理啦.. 還是好好享受我們一起的時間吧。是夜我們遊了電車河 ，去了太古城逛了一圈，在一間cafe吃了一頓可口的晚飯 (我知啦... 咖啡好好味嘛，記得啦..)，好開心呢

2008年11月20日

你放工後要到金鐘跟同學傾project，在這之前，你會接我放工，我會陪你吃一點東西。你好厲害呀，六點鐘放工，六點半已經可以坐定定係我公司樓下，一定好趕啦.. (鍚哂你 ~)
見到你的時候，你個樣有點呆呆地，你說你有點頭痛，好像發燒，仲捉住我隻手，讓我摸摸你的額頭，怎算好呢 ? 確實有一點微熱.. (心痛 ~)
跟你吃過一點東西後，你又好似好了一點... 微熱都沒有了，但你說還有一點頭痛，咁今晚早d瞓啦.... 就可以快d好架啦....
送了你一份 "小禮物"，可能你已經一早知道是什麼啦... 又或者你好唔舒服啦... 樣子不太驚喜 ，希望你喜歡啦 ^^ (諗黎諗去都唔明你點解可以估到 )

P.S. 唔知你又係唔係口花花，亂說一通呢，你說----> "有你的愛，令我覺得有安全感" ，點都好啦.. 這句說話已記在我心裡

2008年11月18日

前兩天，你忽然說想係聖誕節同我去一些特別的地方食飯 ，聽罷，心中覺得很高興，因為原來你都係同我一樣識得事前就要plan好、計劃好。

2008年11月17日

今晚你又要開夜啦 ~~
同你傾左一陣電話之後我就好乖咁去瞓覺了... 唔知點解我個心好甜呀 ~~

2008年11月16日

今日，係你農曆生日 。
我要返學，之前你說會接我放學，但到六點幾快要七點的時候，你send sms 話我知你要做埋份powerpoint先...黎唔到了 ，咁我覺得失望都係正常架喎，咁人地想見你呀嘛，眼見快要到七點半可以見到你...又話黎唔到.....
到了放學的時間，我有諗過唔睇個電話就咁乘巴士返屋企架，但本著睇下有冇奇蹟出現，再去望望個電話，果然有你send 俾我既sms說你正在前來，著我等你，如果我懷有失望的心情沒有看電話，飛快咁上左巴士就見唔到你了~~
我知道你係特登走出黎搵我，仲好趕添，你著緊我我當然開心啦.. 請不要以為我沒有看不見你對我好，我亦沒有ignore你對我做過的事，要不然也寫不出之前的blog啦，係未 ?
另外，係我地搭車返屋企既時候，你帶了一本關於你鄉下的書出黎俾我同你一齊睇，你鄉下很美呢~ 仲話你家有一個 area 種左d 好多荔枝，你畢業既時候，仲係鄉下燒了一串炮竹添

2008年11月14日

為著獎勵你考試passed，我地今晚去了食 all day breakfast ，真係好好味呀，可惜冇影相啦..

2008年11月12日

今天，係你考試的日子，你好叻呀，考試 pass 左，我當然會兌現請你食 all day breakfast 的承諾啦... 就搵一日我們一起去食吧 。
上緊堂的時候，你sms我話考試 pass 左，跟住再send message 俾我話你係尖吵咀行緊，hehehe... 我知呀... 接我放學嘛 ，但眼見仲有一個多小時才放學，要你在街上蹓躂這樣久又好似唔係幾好，而lecturer都係跟住d powerpoint 照讀，所以我決定早走了... hahaha 好開心，因為可以見到你。當我行近噴水池的時候，不見你的踪影，心諗又話7分鐘可以到，莫非你又遲到，但原來行多兩步，就見到你坐左係花槽邊 ，hehe 錯怪了你添 。你好得意呀，通常d人係講 5分鐘 或者10分鐘，你好特別係講7分鐘.... 奇人一個 。
幾日冇見你，你塊面好似瘦左 ，見到你接我，我好開心呀.. 仲覺得好 sweet sweet 添 (唔知係未因為好耐冇見呢)，你隻手好暖，拖得好 c........ 服呢 。

2008年11月11日

昨天，跟你訴說了家裡的一些事情，你說你終於有了一個 "full picture"。
好想讓你了解多一點，例如我是怎樣成長，了解到我就係我，我的一切就是這樣，相反我亦希望了解你這些事情。
我不想跟你說話之前，先要過濾一下，什麼可以講，什麼不可以講，我想對你有果句講果句。既然大家係男女朋友的關係，又想跟對方有一個 long term 的 development 時，係好應該去 share 或者分擔對方的感受，可能，我地仍是在剛開始的階段，仍未達到互相信任的地步，因此仍未能對對方毫無保留地暢所欲言，至少我覺得你未，而我好努力地希望做到這一點，兩個人的相處實在係唔容易，正所謂 "創業容易，守業難"，我希望在將來的日子我地可以做得到，咁才會有我地的日子。

2008年11月10日

好想你依家係我身邊，好想攬住你 ..

2008年11月8日

媽媽除了問為何沒有叫你回家吃飯外，仲有以下對話一則 (當天媽媽弄了3底蘿蔔糕):-
媽媽 : 佢 (即係你) .. 鍾唔鍾意食蘿蔔糕架，不如切一份你攞俾佢呀..
我 : (正在猶疑，因為切一份俾你好似好肉酸咁).....
媽媽 : (見我未答) 唔好呀.... 咁等我下次我整一底蘿蔔糕俾佢啦...
佢地依家好似錫你多過鍚我，通常媽咪係整左之後，問我攞唔攞一d返去我自己屋企食，佢今次都冇咁問我 .......

2008年11月6日

連續返了3天學，累死我啦...
上學的途中跟你談了一會電話，你說你今天買了"野"俾我，我好開心呢... 並不是因為得到物質的開心，而且因為你番緊工都記得我 。
夜晚，我們再通電話，說起這份神秘禮物，你說 "小禮物黎啫"，好像著我不要抱太大期望 。其實從來我都冇想過要你送貴重的禮物，錢對我來說亦不重要，咁當然冇又唔得啦，只是一份簡單的小禮物，我都會好開心架，因為係你記起我時，用心買俾我架嘛 (就好似你上次買俾我果兩支筆咁)。

2008年11月4日

晚上，跟你談電話，你好攰呢，不停打呵欠，我問你係未好眼瞓，係未要睡覺了，你話你聽緊我講野。 其實，我想聽你講你的事多d，了解你再多d嘛 。
隨之，你話講一個故事我知，你一開始就講 "從前有個小女孩 ..... "，我就知你會又講我啦 你講的故事係我地既相識經過，但變左 "女追男猴急版"，我不停over the phone 大叫 "唔係咁喎"，你完全當聽唔到 .... 激死人呀 ，不過... 好好玩 , hahahahaha

2008年11月2日

是日為學習天 ~
早上11時許，已被你的morning call弄醒，說你剛飲完茶，但可以在我上學前，再跟我吃一點東西。就這樣，我就趕快整裝出門啦 (可以早點見到你嘛).... 我地去了食澳洲牛奶公司，佢地的茶餐真係好好味呢 ，你剛飲完茶，跟住再食多一個茶餐，今次仲唔肥仔... 呀....唔係.. 應該係肥佬先correct
你送我到poly上學去，自己就stay係canteen 溫書，我以為你真係會未待我放學就走左啦... 但你最尾都等埋我放學呢，待吃過一點東西後，我地仲慢步尖吵咀 .. 好好的拍拖生活呢 。

2008年10月31日

Halloween ~
係我放工前，你去了剪頭髮，剪到個頭好似個波咁 ，都係上次果個剪得你靚仔d .. 下次記得搵返佢啦 ..
原先，以為係青衣等你，但後來你好趕咁，趕到黎九龍站join埋我 。隨後，我地決定先買飛睇戲，後食飯..
買飛的時候，有一段小插曲，就係出戲票的機壞了，弄得我們的飛爛了，但最終反而令我們有2張一樣坐號的戲飛呢 。
唔知點解，今日成日都想攬住你 。

2008年10月29日

成日都未能確定到你係未mind我之前個 phone call 的事 (當然我估你唔會啦，但都係未確定嘛)，你又好忙，話出去食午飯時打俾我，結果又冇打，等到4點幾先打電話黎仲話今晚都係唔出街，心情就更谷底啦... 點知你又露出馬腳，問我幾點收工，咁即係會接放工啦 hahahahaha.... (心情的起伏有點似 hang seng index )
你話你唔捨得發我悔氣 ...
見到你黎接我，心情好唒... 開心哂，仲感覺好甜添 。

2008年10月28 (續)

唔開心。唔開心係因為不能理解，為何只有兩位好友明白自己，另外的朋友都說一些discourage的說話。你曾說這只是因為其他朋友們不認識你罷了，但其實兩位好友又何曾知道你實際待我如何呢? 朋友們的說話聽得多，心中或多或少都會有些動搖，或者說動搖係有一點誇張，但至少都會反覆想想自己的諗法有沒有不妥。
聽罷朋友的說話，心中已不是味兒，感覺亦不是太好，不是我不想說給你聽，而係我不知該如何說起、該如何去表達自己心中那少點兒的不安。你已經很累了，不停打呵欠了，教我如何忍心在夜裡仍要你花精神去"小心"聆聽我的話呢 ? 你我都知道，我們都很在意對方的感受，若是要你在很疲累的時候，不能睡，又要留心聆聽、回應我 (在意我)，我實在不想呢。
你剛才掛線的聲音，有點悔氣，是氣我有野唔話你知嗎 ? 還是嬲我呀 ?
睡不了，爬了起床，寫了這篇。
Love

2008年10月28日

頭先，我發現了一件巧合到不能再巧合的事呀 ~~~~ hehehe 我係唔會話你知係咩事架 .... wakakakakaka

2008年10月27日

不經不覺，我倆拍拖一個月啦....

2008年10月26日

自相識以來，交換電話後，第一晚我們沒有談電話

2008年10月25日

女人嘛...... 就是喜歡胡思亂想
終於，跟你說了我心中覺得不舒服的事情，真係男女大不同啦，其實我都知道係因為大家都忙，所以溝通少了，並唔係乜野其他原因，又係我諗多左囉.... 。其實，大家肯坦坦白白講自己喜歡什麼、不喜歡什麼，或者自己心裡面的感覺都係一件好事，最少對方可以明白自己怎樣諗，唔使估估下，或者屈住屈住，對大家都好，所以呢.. 你都要多d同我講下你的諗法先好喎 。
亦於今天，終於第一次聽到你完整地說了一聲 "我愛你" 。

2008年10月24日

全日你都冇打過電話俾我，可能你好忙啦~~ 淨係將近放工，要約大家係邊度見面時才給我一個電話 。
是夜，我們去了佐敦的一間齋舖食晚飯，佢地d餸都幾似肉類呀，食完又冇口乾，都幾口味，我最鍾意佢地既茶，好好飲呀 ~~
吃過晚飯後，你說很久沒有跟我行街啦... 其實我都係度諗緊食完飯做d咩好... 例如：好唔好去睇戲咁.... 既然，你話去行街街，當然係跟你啦~~
因為我穿了一對新鞋的關係，有點刮腳，如果行得多路會好痛，所以我地去了買膠布，但係我真係估唔到，你會肯眾目睽睽之下，係starbucks幫我貼膠布架，仲要係我"遞"俊腳俾你貼喎，我相信好多人都唔肯架..... 你對我真係好啦... 如果成日都係對我咁好就更好啦...
行i.t.既時候，你係度睇緊鞋，好似d款唔係好啱，我話慢慢揀啦，你話 (當時係捉住我隻手) 這個咪揀好囉.......

2008年10月23日

晚上，跟你談了一會電話，我說下星期你會有多一點時間溫書，你問點解，果時我係諗，下星期好似冇咩特別的事情要做，同埋因為你冇night job 囉，如果你有night job，做一日，俾你瞓番兩日都唔夠架嘛，咁咪浪費了很多時間囉.. 跟住你細細聲同我講 "咁我都要有d時間陪你架嘛"... feel happy ar ------> ，因為你都識得諗下我 。

2008年10月23日

幾日冇見，尋日見到你，忽然覺得你好似又靚仔左 。
你做完gym，跟住黎接我放工，嘩..... 你好多汗呀.. 個身仲好熱添，是因為趕過來接我嗎? 我諗你拖住我可能覺得仲熱 。
尋日，直頭破紀錄啦，行左好多好多路，我地由中環步行至灣仔，你行到腳仔軟呢.. 跟住，我地係灣仔的三六九飯店食上海野，有我最喜愛的小籠飽，你仲夾餸落我個口到 ，仲幫我撥頭髮添 ..... "窩心"了唄 。
你講得啱，我地真係要開始認真溫書啦.... 如果再唔溫書，我都驚會follow 唔到個study plan，你都要努力呀... 快d考埋個試，做好個presentation，咁就安落哂啦.... 還記得你考試成績好的獎勵嗎 ... 。
忽然記起，你又話俾張咭片我既....

2008年10月22日

昨晚，因為你有night job，所以要早點睡覺，待凌晨一時起床後上班去，原先你想吃過晚飯後就去睡，但係我地傾電話都傾到九時半呀，知道你要多點時間睡覺，但又唔捨得收線 ，攪到你又少了一點時間睡覺了 ，之後，我以為你乖乖的就寢 ，但原來你睡不著，十時半又打電話俾我，是因為太掛住我嗎 ? 你再打電話俾我，我又可以聽到你把聲，好開心呢....
你話會今朝早七時，俾個morning call 我，但你沒有呀... 可能仲忙緊啦，未有時間打..... 再過了一會，大約八時，我快要出門口了，這才收到你的電話，說剛剛收工並準備去吃早餐，果一刻，我完全feel到你對眼掛了兩個大袋呀 ..... 我今晚唔要攬住隻熊貓囉 ，所以你要係我返緊工的時間，努力sleep先得啦...
好想快點見到你，希望我唔使OT啦 ..

2008年10月21日

想搵人嗲下的時候，問你如果公司炒左我，你養我好唔好? 你居然答我每日俾一碗白飯我.... 哼 !!! 唔睬你呀.... 以後都唔問你這個問題，而你以後問 "有關"的問題，我都一概唔答..... 哼 !!!

2008年10月20日

剛過去的週末，我都要返學，好攰呀 ~~
星期六那天，一早就見到你啦，你陪我返poly拿library card，跟住我就陪你去CU返學，仲係CU飲茶添，你食完野係度睇報紙果個樣，感覺好歎茶feel喎 。
到了你上學的時間，我就約了朋友係CU聚一聚，順便可以接你放學嘛 ... 我仲識得自己由canteen 落返去mtr station 門口等你，好叻呀... 。好不容易，終於等到你放學的時間啦，你見到我的時候，樣子好像很累、沒精打采，又唔拖我，唔知係未怕你的同學見到呢
跟住，你就送我返學啦，仲陪我食埋dinner先至走 ，是夜，我都有4個小時的堂，第二朝都要上5個小時，所以昨晚跟你講電話時，你問我 "做乜突然間好似好攰咁.."，其實由我拿了很多東西回家之後，已經覺得成個人散哂，跟住仲要換床舖，換完之後，簡直唔郁得啦... 今晚，仲有堂要上添.... help ~~

2008年10月16日

原先見你好攰，如果我去接你放學，跟住你又要送我返屋企，咁你就會攰上加攰... 所以我就俾左兩個 offer 你，一係我會去接你放學，咁我地又可以見到大家，一係我唔接你，咁你就可以放學之後，乖乖咁返屋企休息。Finally，都係confirm左你會放學返屋企，that means 你的選擇係 "Sleep > Me "... 哼 .... 。
原先係諗住唔見你架，但到晚上八點幾，send 左個message俾你，話想去接你，待我send 完message不久，唔使2分鐘，你就覆message俾我叫我去接你 .. 後來，你話我知你係等緊我send message 俾你 ，我都覺得奇怪架啦.. 平時你既 message邊有覆得咁快呀，我仲以為你會放學先睇到我send 左 message 俾你 .. 我既 message 話想去接你，唔係叫你唔好 fishing，係未估唔到呢 ?
我有諗過唔話你知，靜雞雞係門口等你架，但係又怕你會早走了，或者 miss 左等唔到你，白行一趟，又或者可能會見到第2個女仔衝出黎撓住你隻手走左 (just kidding )，總之就係驚接唔到啦... 但事實上，你個course又overrun 喎，咁到夠鐘放學的時候，打唔打俾你好呢 ? 打左又冇 surprise 架喎.... so many questions ，所以都係話左俾你聽先 。
明天，我約了同學們吃飯，希望你可以早點放工回家休息休息 ，星期六再見啦

2008年10月15日 (續)

哈哈哈.... 接放工，玩驚喜 ?
大約5點幾打電話給你，談了一會後，你要掛線了，我問你係未好忙，你就依依哦哦，我都唔記得你答乜野 lu~，只係記得你問我幾多點放工，當時已經諗點解你問得咁怪0既，一向你都知我6:30放工架啦... 莫非.... hehe
6:30啦~ 你打電話俾我問我放工未，唔知點解呢 ? 我有一種感覺覺得我係會見到你的 (心有靈犀 ? )，所以我就問你.. 你係邊度 ? 你答得好好笑... "唔... 係郵筒等你" ... BINGO ! 跟住我就快手快腳咁執野，落樓找你啦...
唔知係未覺得會見到你呢 ? 好好好驚喜又唔未到，但係好開心、好甜囉 ，似乎下次你要我覺得surprise，還要努力努力喎 ...

P.S. 見到你個樣又攰、又冇精神，但仲走過黎接我放工.... 有點心痛呀

2008年10月15日

尋晚，同你講留唔留得住你的問題，是因為越愛您、越害怕有一天您會離開我，亦可能真係我聽得太多別人講了，除了 S小姐及W小姐兩個的反應係正面外，其餘的朋友，一係叫我唔好放太多的感情，一係就話你依家當然會對我好好啦... 第日就唔係咁架啦..... 等等等等.. 都幾discouraged 。
我係跟你認真的，亦希望我地的關係係 long term，但我冇好完全將"long term" 同 "結婚"劃上一個等號，因為我唔知道你的想法，亦怕又係我自己想得太多，你知啦... 你好慢慢慢...慢架嘛，想得太多我地日後既野，而你又遲遲未做，我會好唔開心架嘛，所以簡簡單單想 "long term" 就算了。在尋晚之前，我當然理解你係想 long term, 但未必等於你想結婚架嘛，因為你從來沒有表達過有關的睇法，而我又唔覺得你會係好快同我結婚的人 ("好快"的意思係 within one to two years)。如果你係果種拖好耐都唔結婚的人，我肯定我父母一定叫我離開你，唔好浪費時間，正如初初我話俾佢地知有個人對我好好，但我地唔係拍拖的情形係一樣架，佢地話 "呢個男仔係未架... 唔係就唔好哂時間啦.."，佢地好似深怕我沉醉於一樣冇可能或者冇結果既野的時候，而忽略了其他的"chance"，結果什麼也沒有，或者是因為家姐太早結婚吧，弄得他們害怕這個幾年冇拍拖的女會嫁唔出，如果再做埋d冇結果的野，一年復一年，就更加怕我到最後什麼也沒有。
有時候，我會好silly 咁問你會唔會好鍚我、會唔會離開我、會唔會鍾意第2個 ...等等，你俾我的答案都好"positive"，但我都係當你表達了果一刻的感覺，日後是否還這樣，真沒多想，就當是甜言蜜語般聽著，因為果一刻我喜歡聽，亦知道你係唔會俾第2個答案我。尋晚，誤打誤撞下，講起關於結婚的事情，我才知道你的想法，這比起甜言蜜語般的說話來得確定，好像認定了一樣事情咁... 好實在。
你說例如within 2、3年...... 又話within 1、2年你會覺得有壓力，咁係乜野壓力呢 ? 問你又唔講，講左第2樣野..

2008年10月13-14日

好開心呀~~ 係第101日的今天，你又接我放工啦 。
之後，我地去了羅富記食粥，佢地個粥底有粟米味架...好好味呢... 唔知係未因為同你一齊食呢 ，所以份外覺得好味 。飯後，我地係 H&M 走了一圈，跟住就乘巴士回家啦...
是夜，你係我家留了一晚，抱住你瞓的感覺好實在、好舒服、好暖粒粒呀 ... 你提議明早早d起身去飲早茶，仲話咁樣一齊起床去吃早餐，好老公、老婆feel 。
於是，我地就清早6時起身，起床去飲早茶了，可能時間尚早吧，我地就好似係全個茶樓最後生的兩個 ..
吃過早餐以後，我地就準備返工啦.. 原先我以為陪你先乘 mtr 到旺角後再返公司，但你好體貼咁同我講話你的時間比較flexible，所以可以先送我返中環 (抵鍚 ) ... 有你送我返工的感覺好好呀，好warm呢 ..

2008年10月12日

今天，是我們相識的第100天。
我們約好了去海洋公園遊玩，一大早我地係IFC的 Canteen 食了一個 "靚人靚景"的早餐 ，然後再乘巴士到海洋公園。
到達海洋公園後不久，我們看了一個小雜技，表演者都是一些大陸的小孩子，但係身手都好好呀，辛苦的表演是值得我們拍手鼓勵的 。接著，我們去了睇國寶熊貓，它們懶洋洋的睡著，沒有起來與我們打招呼呀。
其間，因為你年紀大，我地沒有去玩機動遊戲呢 ，我地只係行遍了每一個展館，仲去了兩次水母館、兩次海洋館添，很開心.... 你從後抱了我很多遍 ... 最奇妙既係我們乘了兩次纜車，其中一次，坐的纜車編號居然係 "100"號呀 ，真係好妙，好"緣" ...
好開心，我地可以睇到海洋劇場，因為我平時都會miss左，海豚跟海豹好乖、好可愛，表演內容亦有別於以前的，我地仲一人一隻手加埋一齊拍掌呢 。
晚飯啦，我們去了 "銀杏館"，仲食了很多東西，有沙律、湯、牛骨、千層麵，同埋藍苺梳乎厘添... 梳乎厘真係好好味 。
回程時，我第一次 invite 你上我屋企，今次可能係你第一次及最後一次見到一間咁整齊的屋呀 ............
今天的一切，於我而言是很難忘的.... 你也是嗎 ? 你回家後，在電話中說，你覺得今天 "很開心、很幸福、很滿足"，我也是呢 ........ 希望我跟你有著更多的100天 。

2008年10月10日

昨夜，你跟我說了一番話之後，問我是否覺得好shock，我當然唔係覺得shock啦 (好想摸下你個頭)，果一刻，我個心係 "實"左 (又點沉)... 因為我都想你開心，你既唔開心，亦會令我唔開心架麻。我想你好，想你開心，我會愛你更多架，希望你亦同樣的待我 。
粒 u 呀 ~~

2008年10月9日

今朝好掛住你的時候，十點未到，就打了一通電話給你，唔知你開唔開心呢 ?
午飯前後，你都有打電話俾我，係未就係依你昨夜所言，因為見唔到，所以更加要用電話黎keep住聯絡呀.. 你話 "極"掛住我 .. 我好開心呢 。
電話中，你說見到我的時候，會攬住我係我耳邊同我講好掛住我，但我今晚接你放學，你都冇咁做到....扼人既
我冇去做facial，應你所想去接你放學，唔知你又覺得開唔開心呢 ? 但係我記得你之前講過話接放學好醜架喎... 咁即係點呀
接完你放學，去了TST食野，你想試下食 "金水"，但係門口真係好多人，所以我地就放棄左，改為去了茶餐廳，睇住你食野，都幾好呀... (咁夜食野...你今次仲唔肥仔 )。
之後，我地就搭巴士走，一路上，你攬住我，我就伏係你肩膞，好舒服呀.. 差點睡著了...

2008年10月8日

又見唔到你 lu ~~
平時跟你通電話，都係我不停說自己的公司事、家事，或者當天的遭遇，但係好少掉轉由你說給我聽這些事。好似你知我的朋友、同事、老闆的名字，我就淨係知你同 "朋友" 食飯，同 "同學"食飯，你知我的多，但我知你的就相對少了。
今日先知道，原來你係星期一已經買左去海洋公園的門票，抵讚喎，我最喜歡事情已經事先得到安排 ，唔鍾意待事情發生時才決定怎樣做。我記得星期一那天，我去了PP，你亦約了"朋友"係旺角食飯，你打電話給我問我係未confirm星期日去，我已經心諗你咁樣問得我，即係會買定飛啦，但係估唔到你係跟住就去了金鐘買啦，我仲以為你會過幾日買，你真係好 "double E" 喎 ，咁同我好快咁去買左相機的電池的態度係未一樣呀..... 忽然想起，你上次去換chocolate calculator時講過的一句說話，你話早d拿去換，可以留番d buff 俾自己 ..
夜晚在電話中，你feel到我有點 "失落" (not 沮喪 or 生意失敗呀 !!)，逗我說星期日要全日攬實我... 咁我就聽住先啦，次次講就好叻，都唔知係唔係架 ~~
好掛住你從電話筒傳來一下好響的kiss聲音 ..

2008年10月6-7日

這兩天也沒有見到你 ... 不過，都有你逗下我的說話 。
說到你會否喜歡上別人時，你好溫柔咁講你已經將個心放在我身上，沒有多餘的心思去愛別人，仲200%愛我 .... 200%即係有幾多呀 ? 我諗你既意思係好愛、好愛啦....
我說這句說話只表明 "at this moment"的狀態，你先先clarify 話 at this moment means ............. "forever"，跟住就有點改口風話 at this moment means ................... gradually, gradually.... "forever" ，其實你用邊一個版本，只要有"forever"這個字，我都會照單全收架啦..。
聽到你咁講，我真的好開心架，心裡有一種"定"的感覺 ，你越來越抵錫啦 。

2008年10月5日

不停下雨的一天，天文台仲發左兩次黃色暴雨警告添。
下午，我們去了睇 Mamma Mia，都幾好睇喎，歌好聽，風景又美，背景應該是希臘小島吧，海水清澈、夜色優美 ，好想去果度旅行呀... 同你去就更好啦 .. 。
看完電影，我們去到PP逛了一會，準備去波士頓餐廳吃晚飯。出發去餐廳之前，天空下著傾盆大雨，還夾雜著大風，我們在PP3大堂待了一會，雨勢減弱了一點才步行到餐廳，但期間雨勢仍時大時細，我倆各執一把小雨傘，雖然雨下得大，但我們仍可手拖著手呀 ，不過你的手臂同埋衣服就濕了許多，希望你唔會著涼啦..
最後，當然係乘巴士回家啦 。

2008年10月4日

昨晚，你說會於9:30叫醒我，但到10:00見你還未致電給我，所以就諗住調番轉係我打電話叫你起身，但你又係如常接不到我的電話呀，咁我就先起身梳洗，不一會，你就call番我了，但你說覺得身體不舒服，問我下星期才去poly u 可好，那當然冇問題啦.. 我想問多你兩句覺得邊度唔舒服，但你好似好趕住再搵周公個女傾計咁，想快點掛線，那好啦... 你唔舒服，想瞓多一點也無可厚非既。今日見唔到你 lu, 原來 70% 係reach 唔到架。
掛線後，我都想繼續瞓番，但瞓唔到呀，因為掛住你囉... 你又覺得唔舒服 .. 所以就send左個sms俾你。你唔舒服，我個心感覺怪怪的，唔知點形容呀...
今晚，都係唔同你講咁耐電話啦... 你要早點睡，如果唔係你又會頭痛。

2008年10月3日

從來沒有一個係我身邊的人，被我define或者形容為 "男朋友"，因為心裡實在覺得佢地套用不了這個名詞。有時候，與別人談話時，最多都係以"朋友"作為他們的稱呼。但是你不同呢.. 我跟老闆談起你的時候，會以"男朋友"來形容你，亦以這個身份跟家人說你的存在。知道嗎? 你係第一個呀 !! 雖然這個term現在對我來說，仍然有點陌生..

2008年10月2日

睡前跟你談電話，你講過的說話令我個心好甜、好"窩心"呢 ..
你說我係你有史以來最鍾意的一個 ，無論你說真又好、假又好，我都當真的了，我知道你是喜歡我的... 談到點解喜歡我的時候，你說的理由就好像說了一篇我的性格，咁可唔可以話你喜歡我的性格、為人呢? 你話今晚會再講過給我聽架... 唔准又講左第二樣野咁賴皮架 .... 期待著聽你的甜言蜜語..

2008年10月1日

拍拖日 ~~
你係未好掛住我呀?? 一朝早，未瞓醒又未刷牙就打電話俾我 ..
我們先去了沙田逛了一圈，食了IKEA的熱狗，好好味呢.. 有少少少少似去外國旅行咁，企係街邊食熱狗 .. 再行了一陣街之後，我地就入了西貢啦..
係巴士上，很喜歡你抱著我 、吻我，幸好不是有太多人，如果唔係就醜醜囉 (噢!.. 忽然又想起你話我肥)。
我地係西貢行了一會，其實我都幾鐘意果d露天茶座，天氣好的話，有太陽或者夜晚坐係茶座，感覺都好好... relax d, hea 下我就最鐘意啦，係未開始覺得我好懶呢 ... 再晚一點，我們去了一間泰國餐廳吃晚飯，食物都幾好味呀...
天氣不是那麼熱，我們手拖手的時候，亦沒有熱的感覺 ，我地漫步海邊，好sweet呢 ..很喜歡這種拍拖的感覺，很開心 & warm，同你一齊感覺好舒服呢~~

2008年9月30日

今日，你第一次係我公司樓下接我放工呀... 好開心呢 !
你接完我之後，我地一齊前往common friend的屋企，原先我以為你會好趕，只係接完我之後，當巴士到達朋友家附近時，就會目送我下車，但原來唔係喎，你仲陪我到朋友家坐了一陣先離去 ，我想如果你唔係要同屋企人食飯，留低一起大食會的話，我地一定會玩得好開心啫 。

2008年9月29日

Striking a balance !
尋日跟好友通電話講起一些她的拍拖事，她說拍左一段時候之後，雙方就沒有之前見面見得咁多，咁女仔應有的"特徵"，例如 : 猜疑、亂諗野呀.. 會一次過走哂出黎，又會亂諗，對方係唔係冇咁愛我啦 等等....... 但係從男人的角度可能會諗，感情好像穩定了，大家都好了解大家既心了，見少一點也可........
佢講到咁... 我不期然想起我們，唔知我地將來會唔會遇到同樣的情況呢 ? 你係未開始覺得女人好煩呀....

2008年9月28日 (續)

晚上，你放學後沒有與家人吃晚飯，我說出黎陪你食飯，唔知你開唔開心呢 ? 飯後，我們逛了一會，這與我們之前出街的感覺很不一樣，有一種踏實的感覺 ，幾sweet呢 ^^ 唔知你係未有同樣的感覺呢 ?
尋日最開心既係，我地倆個一齊睇同一本書的時候呀 ~~

2008年9月28日 - Special Day

開始啦 ~~
昨夜，我跟common friends食晚飯，你就去參加飲宴，在這之前，我們已經係附近的地方逛了一圈，你亦送了我去電車站後才去赴宴。
我晚飯後，如常跟common friends 去飲野，希望你赴宴完畢後會送我返家，咁當然，你飲宴完畢後亦有找我，亦坐落不久後，送我返家。
回程的途中，你說不如先找個地方坐一坐，再飲杯野，當時已經12點幾，apm的food court 亦已經關門了，我提議到麥當當坐一回，如常地，我們面對面的坐著，亦如常地，什麼事也沒有發生....
當到達我家樓下後，你好似唔多願意俾番我個袋給我，又不捨得我走嗎? 我拿回袋之後，你仲捉住我個袋唔放，仲越企越近... 當時心想，都應該唔會有咩事發生既.. 後來我返上屋企再落樓拿雨傘給你，我地又係屋企樓下企左一陣，但今次我地一齊企的時候，你捉住了我既右手手臂與我談話，仲越捉越近手掌的地方，我怕我誤會了你的意思，亦想這可能也是與你平時的觸碰無兩樣，所以沒有作聲，但當你捉到我手掌時，我才可確定你是要拖住我了 ，你好衰架，我問你這是什麼意思，你只是笑笑口說 "你知既" 輕輕帶過便算 .... 其實你係未都怕羞呀 ..
我們再在家附近逛一逛，又去了麥當當坐一會，你攬住了我 ... 仲咀咀添.... .. 你唔捨得走，我都係... 但我早上九時還要上堂呢... 最終我們還是坐到凌晨3點幾才離去。
就這樣開始了我們的關係，希望日後我們都珍惜對方，好好的相處 ~~~

2008年9月25日

昨夜你跟我說：你唔開心，我唔開心﹔你開心，我開心。從來都冇人跟我說過這番說話架，你係第一個，令我有一種好特別的感覺，但唔知點樣去形容這種感覺 ，另外覺得欣慰既係你說你在想如何令我快樂、令我覺得冇咁攰。
我跟你說，我mentally 同physically都覺得好攰，係講真架，其實在問你"問題"之前，我已經想過放棄.... 好像有點拉牛上樹，好像只有我一個人為這段關係努力，但後來我想，其實可能你已經好努力咁行快左，只係我對任何事都太心急，看不到你的努力。有時我自己都唔好，唔應該成日諗住你會為我做d乜野事，而到最後，如果你冇做到，自己又唔開心，sorry ar.. 希望日後自己唔好再係咁啦。
今早，你send左 miss me 的message 給我 ，甜了一下呀 。跟住你話聽晚會接我放學，真係有點期待 ... 好像很久沒有見過你了....

2008年9月23日 (續)

你剛才的一句說話，已經令我笑到依家啦... 你打電話俾我的時候，我正在食緊糖，你問我仲乜仲食糖，我以為你話食糖會肥，點知原來你話 "仲乜仲食糖呀，依家唔夠甜咩" ..... 係呀.. 唔夠呀..

2008年9月23日

最終還是讓你知道了，so strange，就好似被人用x-ray由頭到腳看得一清二楚，但我還是想讓你知道，唔想你估估下，又估唔仲咁慘。
想你睇... 係因為讓你了解我多一點都係一件好事。
唔想你睇.... 係因為唔知你睇完之後會有什麼effect ，會唔會覺得有壓力，會唔會想 "這個女仔係未傻架" or ... anything else. dun know ar.. i have no idea on the impact.
你尋晚問了我幾次係未唔開心，點解唔出聲，果一刻我覺得你好關心我架，知我講話晏瞓係籍口 。
有時我知道你係好sleepy既，但係可能你feel到我唔想收線，所以就撐住唔瞓黎同我講多幾句，好啦.... 今晚俾你12:30前瞓啦... 。
忽然...miss u

2008年9月22日

口快快給你知道我寫緊這秘密blog添，但係我仍不會disclose給你看，這還不是時候，要再遲一點.... unless and until sth happened..

2008年9月20日

又跟你談電話啦，有一下係我故意激下你....
你話 : yee.. 依家要你批准我，我先可以去瞓喎
我話 : 車... 我又唔係你邊個，邊有資格去批准你喎...
你停了一陣，然後細細聲 (加有點溫柔)說 : 你冇資格，邊個有資格喎...
知道嗎 ? 我聽到這句說話的時候，個心好甜呢 (雖然你仲未拖我隻手)

2008年9月19日

我真係好唔明白，為何我倆已知對方喜歡自己，行為上有時你會握著我手腕、觸摸我手臂、膊頭、臉兒，亦會撥弄我頭髮，何解你仍不肯拖住我隻手，確實我地的關係呢? Now, I just felt unsecured....
還是你仍覺得，拖耐d才開始，真的會細水長流，但拖得太耐，我怕熱情不再，仍怕會有unknown 的事情發生，令我們的關係告吹，我真的怕呢... 我在乎我地的關係，亦在乎你 。

2008年9月17日

連日來，我地傾電話都有談到大家的關係，你亦告知我你的love history..，感情好像好了一點 。
今日，你有兩個第一次。一個令我開心，一個令人個心有點唔舒服。你第一次接我放工，我真係好開心，你打電話俾我話可以係中環pick up 我，我真係好開心架，我仲走入老闆房笑了一陣 。 另外，今日亦都係你第一次講大話 ，你話你由公司出黎接我，但其實你已經一早放左工返左屋企，仲打左一陣機先出黎，你話怕我覺得你懶惰、唔勤力，所以冇講真我知，但其實我知道你之後果兩日都要開埋夜，今日早放左工，都係正常呀，再講我都唔係咁stupid 到咁都覺得你懶啫。我問你你寧願我覺得你懶，定係想我發現你講大話而唔開心，你話你明白我想講乜，跟住仲應承我話以後都唔會講大話扼我，希望你真的可以做到，at least 你都識得咁樣應承我。其實知你前言不對後言果一刻，我個心不期然戚住戚住，果下感覺好熟悉亦令我覺得小小驚...，雖然係好小事，但希望你真的唔好再這樣了。
你今日有一下令我好窩心架，就係你搭搭下地鐵，同我講緊野的時候，突然伸手將我d頭髮撥去耳仔後面... hahaha

2008年9月15日

今日係追月呀... 我倆並沒有一起過一個人月倆團圓的中秋，一連三日假期，有兩日你都要與屋企人過，兩日都要做節，我忽然想起我地common friend 的一句話，佢話你係唔會放好多時間俾我架，因為你係比較注重自己屋企的人..... um... 唔開心呀
我地去了朗豪坊行街街，去了奧海城睇 "伴娘先生"。睇戲期間，你發現我對手好凍，跟住就用你溫暖的手捉住我隻手的前臂，我有少少feel到你捉得有點緊 ，到場戲做完播緊字幕，你都仲未放開隻手呢。期間我還在想，你會唔會承機捉住我隻手，但你始終沒有.... 忽然間 我真的不明白你在想什麼 .... 心情很差.... 你仲沒有送我回家呀... 那時候只不過9:30咋，你只送了我到巴士站，目送我上車後便離去，我都唔知道應該早的時候或是夜的時候，你才應該送我回家。心情很不好，在車上想著想著，都唔知道你根本緊唔緊張我，到底當我是什麼人，最後我係巴士上落淚了....
回家後不久，你打電話到我手提，說我家的電話擱起了，心情壞透的我，根本不想與你談下去，但又不捨得收線，我著你再打電話到我家。不知你是否感覺到我唔開心，你跟我說依家你係用屋企電話打俾我，著我抄下你家的電話號碼 (噢.. 皇恩浩蕩嗎? 識你咁耐，日日都通電話，依家先俾你屋企電話我，係未你之前覺得我信唔過，還是怎樣??)。在這之前，我有想過，如果有一日你忽然在我生命中消失，只要你把手提電話換掉，不與我地的common friend 聯絡，我根本係無從可找你的，因為我不知道你家電話、住在那兒、公司在那兒及你公司的電話..... 相反，你知道我這一切 。 但我還是不會問你呢，因為我已經跟你說過我不知道這些東西，隨後你要講我會聽，你唔講我亦不會勉強。

2008年9月13日

與你返 CU, 終於吃了聞名已久的Lemon批，又真係幾好食喎。你還送了生日禮物給我，仲有一個疑似chocolate bar的calculator俾我 ，仲俾你整蠱到添。

2008年9月8日

凌晨時份，我倆還在說電話，我忍不住問你是否喜歡我.. 你依依哦哦左成分鐘..又話我忽然咁問你，攪到你個腦一片空白...完全想不到東西.. 好驚等等...... 但你最後依然跟我說 "是的" 。
很好笑的，你用了45度、55度同埋65度向上的圖表去講解我地之間的關係 ，你話而家我地的關係已經係45度向上，accumulate 緊大家的感情，我咁樣問可能會令大家的關係變成65度向上，又或者只得55度向上。其實我沒有想到會加速我地的發展，我只想到我想知道個答案並已有了最worse的expectation。幸好，這真的令我們的關係進入了一個新的stage。
每晚，你都說要在12:30前要睡覺，但是我地今晚講到凌晨2時呢.. 你好似好唔捨得掛線 ，最後，因為我聽到你不停打呵欠，所以我著你掛線去睡了。但掛線後不久，你又再打電話給我，說想再談多一會，我真的感到很驚喜呀..你說你尚欠我一份生日禮物，叫我別把之前你送我的月餅當作生日禮物，還會係今個星期準備好呢... 你說份禮物係要有d心思的 ，說著說著，我們都講到差不多凌晨3時才睡，明天還要返工呢...

2008年9月6日

今天，我要返poly 報course，以下午你亦要到CU上今年的第一課，所以大清早你陪我到Poly報完course 後，我地一齊去了CU食過brunch。
你帶我遊走了大半過CU，帶我踏足了你往日讀書的地方... 景色真的很美。但過了不久，天色轉壞了，雷聲隆隆的，就好像發生於不遠處，我仲看見一條很粗的閃電擊中附近的建築物，真的很險呀... 但你仲帶我去一個更高的地方看另一邊更美的風景，知道嗎 ? 其實我係好驚架... 你又高.... 萬一閃電擊中我倆，第二天的頭條就係我地啦...

2008年9月4日

今天你跟我吃2人的生日飯，我地去了第一次食飯的土耳其餐廳 。
席間，你忽然問我隻手有幾大，仲要用你隻手與我隻手比一比，又睇下我隻手有幾厚..... yeee.... 你碰了我隻手很久呢 ..
很開心，你可以跟我吃只有我倆的生日飯，你知道之前我地跟common friends食果餐唔算數... hahahaha...

2008年9月3日

我生日呀 !! 你真的要開夜呀.. 沒法見到你lu ~~
但你都好好呀.. keep on send messages 俾我，仲一早叫我做壽星妹添...

2008年8月25日

唔知你會唔會係我生日果日約我出黎呢 ??

2008年8月20日

今天是我們第一次去睇戲呀，睇了"地心探險記"的3D版，真係好好睇，我仲"挨"住你一齊睇添.... 我覺得係"挨" lor ..

2008年8月17日

跟你說了我最痛苦的經歷，不知怎的，你沒有多說對此的感覺，反之你不禁說我們common friend好慘的事，真的不知你是怎樣想的，其實我是想如若日後我們真的走在一起，你可更加憐惜我。

2008年8月13日

你說你會跟舊同事們在我家附近吃晚飯，問我飯後找我去吃甜品可好，我好開心呢... 當然答應啦 ~

2008年8月6日

這天8號風球呀 !!我與你由中午談電話至凌晨呢...... 好長時間呀

2008年8月2日

我們跟common friends 約去了東寶吃飯，在這之前，你要係旺角上course。我問你怎樣去北角，你說有一條巴士線可以直達北角，仲問我有冇興趣乘搭，我說我家住KT，去北角好容易，仲問你係未想我接你放學呀 .. 我心想你是想我跟你一起去飯局吧，是否要讓其他朋友看見我們一起出現嗎 ??

2008年7月25日

我與你第一次單獨出外吃飯呢，去了諾士佛台的土耳其餐廳，看了3場肚皮舞的表演，並與你談了很多..飯後，你問我回apm吃甜品可好，我知道這亦可讓你順路送我回家，那我當然答應啦 。我們去了吃滿記，係food count 坐到12點幾，我說好夜了要回家啦，我不想你太夜回家呢 ..回家後，我發了一個sms給你，看看你是否平安回到家裡，你沒有回我sms呀，但你打了電話給我，我們還傾電話至凌晨3時呢 。

2008年7月18日

第二次見到你啦，今天係你的Last day，忙著從舊公司把私人物品搬回家，但你仍然可以趕得及參予我們的飯局，是夜我們去了soho吃飯呢，你還問了我的email address，好等你日後容易聯絡上我。飯後，你終於第一次可以跟我們一起去tivo，我與你的坐位中間夾著我的朋友，但我同你不停在朋友的背脊傾計呢。

2008年7月5日

在一次晚飯聚會中遇上，朋友介紹你給我認識，沒有跟你有太多的對話，只知道你係IT人、風趣、平易近人。

2008年1月8日

明天就係第一次見你媽媽啦，其實真係驚架... 驚d乜 ? 可能太想係佢心目中有個好印象啦... 又或者太想佢覺得我好啦..... ，所以好緊張，又可能怕做錯野呀...講錯野呀... 唔得體咁囉。雖然，我知道我都係做番我自己就ok，但講就易...
平時，你有同我講你話左俾你媽咪知乜乜乜... or 你俾左你媽咪睇我買左d乜野俾你.... 又or 你又會show俾你媽咪睇我同你一齊去街時你買左d乜野，但係我次次問你你媽媽的反應，你都話"冇野"... 次次聽到個心都沈一沈，又會咁冷靜既 ?，次次都冇乜野講，又冇反應，個心不期然會諗，其實你媽媽會唔會唔鐘意我呢 ? 係未好似其他人咁講，覺得我share左你呢 ?........... 我真係唔知? 因為問你你媽媽的反應同時，我又會代入如果同一事情發生係我媽媽身上，佢既反應又會點 ? 但我相信我媽媽唔會"冇反應"囉.... 所以 ............ 唔知呀.... 好似好多 unknown / uncertain 咁... 希望又係我諗多左啦 ... 其實，我覺得你媽媽唔好覺得個仔被人share 左啦... 可能反而係佢多左個女呢
Anyway, 我會早點瞓，精神奕奕的見你媽咪 ..