大女笑笑話語

今天，快要到吃午飯時，大女兒打電話給我節錄如下：

大女兒：     媽媽，妹妹曳曳呀~

我：            妹妹點曳呀?

大女兒：     佢個頭擰來擰去呀~

我：            個頭擰來擰去都唔係曳架。

大女兒：     我係家姐，我要罰佢

(電話轉來姐姐說，大女兒食午飯時把碗扔落地)

我：            囡，唔可以扔野落地架，尋晚爸爸都話唔可以扔野。扔野唔啱架，乖乖小朋友唔扔野架~

大女兒：     媽媽扔唔扔得呀 ?

我：            媽媽都唔扔得架 !

大女兒：     扔野唔啱架 ?

我：            係呀 ! 扔野唔啱架!

大女兒：     媽咪，咁扔垃圾呢 ?

我：            (忍笑中) 咁就得 ! 但唔可以扔玩具同扔碗碗囉 ~~

大女兒：     哦 !

我：            記住啦 ~

後想：阿囡係串緊我，定係真係問我呢 ?

大女兒PN開學 (適應班) 2

今天是第2天家長陪返學的日子，早上起來，你不停問我何時上學去，津津同學係邊度? 我想你開始喜歡上學了 J

今天遲了出門口，但仍早左學校尚未開門。我跟你在公園，看著小朋友玩滑梯，但你唔想玩，只是要我拖住你手仔。

等到有些同學仔返學啦，你有跟他們打招呼。入到課室，今天流程跟昨天差不多，只是沒有聽故事時間，改為做手工。

第三天到爸爸跟你返學啦~

大女兒PN開學 (適應班)

8月7日，今天是大女兒第一天上PN (適應班)，由我跟她上一起上一小時的課。我跟大女兒早到了，在學校門外等開門。大約10時15分，學校開門啦，校長，副校長、主任及老師在學校門口笑容可掬的迎接學生們。入到學校內，由老師引領我們到一間課室，入到課室先把書包除下放入櫃，大女兒自己選座位坐。

不一會，各小朋友及家長都坐下了，有3位老師，15個同學仔。大家打過招呼後，就唱歌做運動啦~

媽咪寫低首歌，好等大女兒將來回味一下

“齊來拍拍手　齊來拍拍手　拍拍手　拍拍手　拍拍拍拍拍

齊來踏踏腳　齊來踏踏腳　踏踏腳　踏踏腳　踏踏踏踏踏

齊來摸摸摸摸　摸個大臉臉

齊來翁翁翁翁　翁知大鼻鼻

齊來扭扭扭扭　扭個大PAT PAT

齊來DO DO 咀巴親親你”

哈哈~ 媽咪真係好鍾意係屋企同你一齊唱歌一齊做動作，我地玩得好開心呢~

唱完歌，我地要排隊去wee wee啦~ 洗手間有兩個嬸嬸幫手，好快小朋友去完wee wee 洗埋手啦。之後，我地再入課室，老師安排小朋友坐地下，家長坐櫈，準備聽故事。

聽故事的時候，媽咪見你好投入聽老師講，又主動答老師問題，老師獎勵各人小貼紙。

聽完故事，小朋友去洗手準備食茶點。食茶點前老師請小朋友一起祈禱。

食茶點時，大女兒自己從書包取出杯及手巾，等待老師派蛋糕。你食得好開心呢。期間老師交帶家長兩件事，一是幫你們改英文名，二是要準備一張家庭照。

一個小時很快過了，小朋友逐一跟校長、老師說再見後，準備放學回家了。