2009年3月31日

晚上，你去了做gym，我就留左係屋企 hea 左一晚，原先打算溫書架，但實在不是狀態，所以又沒有溫了。
你做完gym打電話俾我，閒聊了一會，說你今天買了一樣野俾我，但係要放在你家用既...... 我一頭霧水，都唔明白你講乜野 ~~ 原來你買左最近有賣廣告的按摩墊，買之前試過好好用，又有你同事的coupon，所以就買左了，著我多點上你家用 ...我跟你說 "你多點邀請我上去你屋企，我未上去多點囉"....

2009年3月30日

上個月講過，話因為你328要做兄弟，所以慶祝拍拖半年的晚飯會改至330，即今晚食，當然我冇期望過你會記得啦，所以星期日再提下你星期一食飯可好，你答我 "都得既.."，顯然你係唔記得之前講過d乜.... 或者根本唔覺得需要因為咁要食飯，而且只係當普通平時約食飯，我也沒說下去為何要食飯，總之，你同我食未得囉... 同埋"食飯"都係一個excuse 啫.......... 此時，你說"天天都係情人節"的原因又在我耳邊響起....
下午，你打電話給我，說可能要很晚才收工，所以可能食唔到飯，你告訴我的時候，我都唔知俾咩反應你好，初時以為7、8點走得，都OK應該食到飯，咁未打算在你公司附近等你囉... 但你說知道我不喜歡在街上等人，著我我最好都係留在家等你比較好，再說可能8時半走得，但結果8時半都未走得呀，弄到九點幾.... 好彩冇係街等咋，最後，我地係大家自己同自己食..
都已經9點，我都唔想你又要走過黎同我食飯， 你之前幾日又咁多野做，都未好好休息過，唔通要你係做野做到9點幾後，都要黎搵我嗎 ? 之前你已經話你 exhausted 了... (就算我要，我都唔sure 你肯囉 ~~ )

2009年3月28日

半年了..... 與你一起半年了。
今夜，與半年前一樣，同樣是下著毛毛細雨，那天，若果不是下著細雨，我倆可能沒有走在一起了。
你當時對感情的確定，拖著我手的感覺，現在還很深刻呢 。

2009年3月26日

今晚，你終於可以去拿改好左的西裝啦，你試穿的時候，我又係你背後傻笑，今次被你從鏡的倒影中見到添.... 又著得你幾靚仔喎
拿了西裝後，我地去了女人街內的一間齋舖晚飯，你說你以前成日光顧的，這間齋舖已經有很耐歷史了，我地點了"鴻圖窩麵”、”齋”、“炒什菌”，另外仲食左齋舖送的糖水 -- 綠豆沙，樣樣野都幾好味架，我覺得好味過功德林，你話下次帶我去佐敦另外一間齋舖試試呢 。
晚飯後，我地行左一陣街街，就”各自”回家 lu ~~

P.S. 今日第一次收到你的email 係寫 "Dear xxxxx"，唔係平時既 "Hi"

2009年3月22日

很開心，因為你晨咁早起身，同我食早餐，仲送我返學

2009年3月21日

放學後，同你行街街，你買了很多東西呀，有西裝一套，同埋高清DVD一部。跟住就急不及待返你家試機，看了"很久"之前買下的張學友演唱會DVD，你仲抱住我睇添 。

2009年3月17日

"依家你係我既一半，結婚後你係我既全部" <----- 可唔可以依家都係全部呀

2009年3月16日

Just can say : we both should be confidence

2009年3月14日

今早，我要去做打肝炎針之前的驗血，你陪著我前往 ~
去到診所，弄了一輪登記之後，我就安排了見醫生，接著就係抽血了，我真的很害怕抽血，如果唔係你想我打肝炎針，我係絕對唔會去做這件事，抽血我真的怕怕，之前試過抽2筒血，已經抽驚左我，我好怕等待支針吉左落皮膚後待拔出的時間，在抽血房門口等著的時候，我告訴你我好驚，諗緊唔知你會唔會覺得我講笑的時候.. 你就緊握著我手說"唔使驚呀..."
抽完血之後，姑娘叫我今日唔好拎重野，所以你就乖乖咁幫我拎住重重的書包啦 ~~
我地係poly的canteen食完午飯之後，你就送我到課室返學啦 ~~

2009年3月12日

今日，係我搬去新office之後，你第一次接我放工 。
見到你之後，我地係公司附近的"荒蕪"地區行了一會，跟住就去了德記晚飯，唔..... 其實d地方係有點污穢囉，不過大牌檔係咁架啦 ~~ 你仲話俾以前已經好左好多 。我地點了3個餸，有栗米班塊、金銀蛋羌菜同埋揚州炒飯，d餸太大碟啦，食剩了很多野，味道一般，唔可以講話好好好味囉...
飯後，我地行了一會新城市廣場的"詩詩縮扒"，食左雪糕香蕉船 ，開心開心，咁樣的生活好開心 ~~

2009年3月9日

14/2 said : 下個月同你慶祝過，fix 左 14/3 --> 依家可能要 5 月
Planning 14/3 : 由半島 --> Amigo --> 依家係見唔到
Priority : 由家人 --> 朋友 --> 先至到我 (都唔多sure到我未 ?)
掉轉我咁對你，你會有咩感覺 ?

2009年3月8日

今朝早要上堂，所以又要好早起床，好sleepy呀 ~ 放學後，跟同學們吃了點東西，就打電話給你，看看你是否ready去我媽咪屋企。
原來，你未得呀，咁我就先回自己家放低書本，靜待你來到再一起前往，真係靜待架，因為我瞓著左 。三時半，你打電話給我說快要到我家附近，著我準備起行。今次，可算是你第一次來我家接我囉.... (好似唔係又好似係..當第一次啦 ~ )
之後，我地去了supermarket 買了一點生果，你好好呀，還帶來你媽媽去澳門買的杏仁餅同花生糖給我父母，抵鍚 ，下次如果你肯一個人拿哂所有野就更好更抵鍚 ..
來到媽咪家，閒談一會後，就開始竹戰啦.. 今次你有嬴錢呢。是夜，我地打邊鑪，吃了很多很多... 飯後，我仲剝橙皮，分橙俾你地食添 Have a good day ~

2009年3月7日

早上八時，我就起床啦.... 真係好唔願起身囉，張床暖粒粒架嘛......
跟爸爸辦完正經事之後，我就去奧海城的利寶閣攞位，同你媽咪飲茶，你倆來到後不久，你又走去買報紙，有點驚呀.. 剩返我同你媽媽，初時以前唔知講d咩好，後來講講下又ok喎，都冇dead air.... 一會後，你就回來了。期間，我地三個睇下報紙，傾下計，食下野，好快就開開心心飲完茶了。
之後，你送我返poly上堂，好開心呀，因為可以手拖著手上學去，你仲送我到課室門口添... 送完我返學，你就去了剪頭髮，同埋做個人"maintenance" ...

2009年3月5日

今晚，再次跟你family在尖吵咀食飯，食到好飽飽... 你表姐同埋Auntie no. 5 明天就要飛走啦... 你會唔會掛住佢地呢 ?
飯後，你送完我搭巴士就返家繼續做project lu ~

2009年3月4日

好野 ~ 你考到啦 !!
晚上九時許，你打電話給我，說你考到九十幾分，真係替你很高興，咁就搵一日同你去山頂食飯獎勵一下你啦 ~ 果一刻，俾你的努力感動到，覺得自己都要勤力d應付5月的考試。
之後在電話中，你說今個星期六跟我媽媽飲茶可好，我真係好開心架... 你一考完試，就記得同我媽咪飲茶，你咁乖，鍚啖你先 。最後，我地決定左星期六我跟你媽媽飲茶，而星期日你就來我家吃飯 ，good ar ....
你告訴我，由3月中開始每逢星期日你都要whole day 上堂，年尾仲要考多一個試，我沒有作聲，你問我係覺得你好勤力，還是怕你沒時間陪我，講真兩樣都係，男人勤力係好事，你咁上進我當然覺得好啦，至於時間..... 咁我當然想你陪我多d啦，唔想大家逐漸習慣少見面... 之前你星期六返學，我就會數下你個course會幾時完，諗個course完左之後你就會有多d時間陪我，but now 又要開始一個新course ，仲 incur 你星期日全日，有時weekend係街上，見到d情侶拍拖，好sweet咁，而你又唔係身邊，怪怪咁，冇辦法啦... 你要讀書嘛....咁我依家未唯有諗下，你個course都係 last 到9月啫.. 之後你會有多d時間陪我"掛" .. 等等等等你囉....

2009年3月1日

最近，因為你忙於功課同埋考試，我地的 "活動" 都停哂.... 今天都算是近日最開心的一天了 。
先先，我跟你在會所溫書，由下午2時多開始溫書至晚上八點幾 ，溫緊書的時候，我見你好似溫到好累咁 ，所以就幫你按下頸，你會唔會覺得好"窩心"呢 ? 你已經把考試範圍看了一篇，這幾天又可以重溫內容，我諗你一定可以考到的，還記得你pass左的reward係乜野嗎 ?
溫完書，我地去左旺角食飯，再行了一會商場，你成日都"蝦"我，用你好"吉"手的鬚"吉"我隻手，攪到我不停係街上傻笑.... ..... 真的很喜歡這種拍拖生活。