2009年1月31日

睡至正午，好不容易先懶完床，如果唔係book左做facial，我一定會繼續瞓 zzz...
Book 左 2:30做facial，做完已經 4:00，今晚6:30要上堂，返屋企又唔係，去poly讀書又唔係，個時候好唔match，所以打了電話睇下我地個common friend 係唔係又係spasso hea，如果係，我就順便過去食d野先返學，阿common friend 真係當spasso係飯堂喎，打俾佢既時候正正又係spasso hea 緊... 我去到 order 左個sandwiches，拿拿聲食完就走，掉低阿common friend 同埋一個落場的女侍應。
返到poly，上左4 個鐘頭堂，就乖乖返家了。好開心呀，臨睡前都仲收到你一個sms，你係德國 check in 啦, yeah ~~
你聽晚就返到香港啦 ~~~ 期待中

2009年1月30日

睡至下午2時，醒來後看看手提，沒有你的sms呀，是因為昨天打左電話俾我，所以就唔send sms ??
11天的假期，今天才第一天打開書本看，只是正正經經溫了兩頁咋，跟住就不停打機，我個study plan 去左邊 ? 完全冇follow到。下年5時半，就準備出門口去我地common friend屋企打邊爐，玩到12時多就各自回家了。回家後，一口氣send了3個sms給你，希望醒來後能再次收到你的sms啦 ~
是夜，看到一個很美美的月亮，仲見到好亮的金星，唔知你係地球的另外一邊睇唔睇到呢 ?

2009年1月29日

沒有你在身邊督促我，我又回到夜瞓的日子了，凌晨12時多，電視台才開始播一套舊的港產片，看罷已經兩時多，所以我在初四的下午2時才起床 ，睡醒就當然又看一看你的行程紙啦，今天你會係布拉格。
晚上，我跟Amy去了荃灣閒逛，正當我睇緊耳環的時候手提就響起，原來係你打電話給我呢.... 真真真真係好開心呀，好耐冇聽過而又熟悉的聲音再次係耳邊響起，個心甜哂 ，跟你談了兩句，你叫我等一等，我心諗IDD咁貴，仲等 ? 原來你把電話pass左俾你媽咪，好讓我跟她說一些新年的祝賀說話.. 你真係好 ，到你接回電話，你說回來才講就掛線了。收線後，掛念你的感覺比起你未打給我之前還要重呢.... 快點到2月1日啦... 好期待你快d回港。
miss miss u ~

2009年1月28日

初三了，今天家姐到媽咪家拜年，還記得我跟你說過，我地的common friend 都會到我家吃晚飯嗎 ? 媽咪煮了九大簋呀.. hahaha，不過，你都唔差呀，係歐洲有豬手食.. 你好似每餐都吃得唔錯喎 (jealous u.. huh !!) ... 小心你個大肚lump "快高長大"呀
你每一天才send一個sms給我，太小啦...... 很掛念你呢~~ 你上飛機前說過會給我電話，但仍未聽到你的聲音呀... 我以前你會於年初一給我電話....但沒有呀 ....
miss u ~~

2009年1月27日

初二的早上，睡覺醒來就收到你第二個message，你說你那邊雪下得很大，影了很多相，仲很掛念我。你知道嗎 ? 我都好掛住你呢，每天睡覺醒來都看一看你給我的行程紙，想像一下你在歐洲做些什麼呢 ..
下午的時候，家姐的好朋友到媽咪家拜年，我又逗了兩封利是.. hehe
晚上，吃過晚飯後，kiki又跟我回我家瞓覺，佢見我好疲累，主動幫我massage呀，真係好乖女呢...
臨睡前，因為沒有了你的來電，唯有聽下你送給我的迴旋木馬音樂盒的音樂，一邊聽，一邊想你。

2009年1月26日

大年初一的早上，我同kiki回媽咪屋企，跟父母拜年後，就係麻雀耍樂了。到了下午一時多，終於收到你第一個sms，好開心呀 ... 我仲以為你玩到唔記得左我添..
晚飯後，約了Amy同埋一些中學同學sing k，因為佢要派炸彈呀.. 我就陪下佢一齊去囉，但其實我唔係好想去，因為天氣好凍呀，我想早些回自己家暖粒粒嘛，最終，我都坐得唔係好耐，12點前就返到屋企睡覺了。

2009年1月25日

在你沒有係香港的日子，讓我都記下日常瑣事，等你回來後也知道你唔係香港的時候，我做了什麼 ~
今天係年三十，早上醒來，回到媽媽家準備團年飯，等到下午，仍不見你send sms 給我，心想會唔會你係歐洲果邊send唔到呢 ? 又會唔會係之前同你講電話講到冇哂電，所以 send 唔到 sms 呢 ? 等等等.. 期間收到很多朋友祝賀新年的sms，每一次message的提示聲響起，我都急不及待去看看是否你 send sms 給我，但好失望呀... 都唔係你send既...
晚上，我沒有照原定的plan到維園走走，之前你說唔好去街去到咁夜，又著我外出小心d，依家聽哂你話啦 .... 唔去街啦... 因為可以讓 kiki 在我家過夜 ..

2009年1月24日

你今晚就飛啦.... 上機前，要與你去一去街
一見面，你又重提昨晚的事，我沒有出聲，因為我唔想嬲，你說以後都唔準提起一個人，忽然覺得你好大男人呀... 吃醋嗎 ? 你說不提就順你意，因為再在這問題上轉圈亦沒意義。
你知我個袋重，幫我拿了一段時間，我說不用了，但你說你是發自內心的，咁我就讓你拿.... 你拖著我的手一路行.... 拖得比平時緊。
我們先去了永安行了一會，你終於挑選了一副合意的旅行電水壺，說"挑選"是沒有錯的，因為你真係好"挑" 。行出永安，你知我還未吃東西，就陪我去吃澳洲牛奶公司，吃罷，再去買你預先留起了的手套，不知怎的，同款的手套，價錢比起我地昨天看的貴了一百元，真係不值得呀，我與你都覺得冇理由就此勉強自己買一套貴咁多的手套，所以決定去朗豪坊再看看，但係朗豪坊只買了耳套，又買不到合適的手套呀，我地再行行行.....左睇右睇，最終，係波鞋街找到一對價錢與款式都合心意的手套，亦另外買了一對給你媽媽。
買了必要的東西後，我倆決定去尖沙咀走走，我地先去了書局看看，睇下會唔會再有一些書係關於東歐，果然又俾你找到一本有相、有字、又有地圖的東歐書，亦係書局找到可以貼在身上的暖包，good good 呀，想要的東西都買到。再行了一會海運，買了一條圍巾給你媽媽，你把買回來的東西都塞進背囊，個背囊已經脹卜卜啦... 好似你個肚腩.. hehe
我倆各自回家吃晚飯，你亦要趕緊回家收拾行李，你說出了門口再打電話給我。那我快快吃完晚飯，返自己家靜候你的來電了。你往東涌的路上，打了電話給我，我問你有冇帶另外一張電話卡.. 你說已經帶齊所有野。
你到達機場 check in 後，又再打電話給我，原來你用開的mobile no 沒有漫遊，要用你之前用開的電話卡，咁我就係屋企上網、打電話幫你 check 下打IDD 同埋send sms返香港要幾錢，原來IDD都好貴架，send sms 好d，希望可以收到你多d sms 啦....
電話筒傳來要上飛機的廣播，真的不想跟你掛線呢.... 我著你到埗後，send 個 sms 給我，就在不情不願下掛線了.... :(
收線後，我又返回電視機前看電視，忽然電話聲再次響起，你想你已經在飛機上，但仍未起飛，可以再講一會電話，我真係好驚喜呢... 我地好痴纏呀... hahahaha.... 談了一會，飛機真的要起飛啦.. 你亦真的要掛線了.... 在掛線的一刻，已經好希望你快d 返香港...

P.S. 我在巴士上與你揮手道別的情景仍不停在我腦海裡 ~

2009年1月23日

臨放工的時候，你打電話給我，問我去megabox行一會可好，咁就當然好啦.. 傻佬。
你先去九龍灣，我跟朋友在尖沙咀見一見面後，就到九龍灣會合你。跟你到megabox 看旅行用的電水煲、手套等等，但行了很久仍找不到合適的，明天你就要飛了，怎算好呢 ? 你說不要緊總會買到的。
晚上，在臨睡前的電話中，又與你吵咀，好唔想呀，你明天就要飛了，為何還要嘈呢... 我只不過係 state fact 啫... 大家都說了大家的睇法，但好似已經對我地講的事有點離題了，算吧... 不想再提了。

2009年1月22日

因為去旅行前，你仲有好多事未做，所以向公司請了一天假，頻頻撲撲了一整天，你一定很累了。
晚上，跟你訴說了公司的不快事，你跟我說 "如果真係"咩"，我都可以take care 你"... 真係估唔到你會咁樣同我講架，果一刻，覺得好滿足，個心覺得好"夠"，有你咁樣講就夠啦.. 我唔係因為覺得有人可以依賴而覺得開心，而係你有咁樣的心對我、 touch 到我。謝謝呀.. .傻豬

2009年1月20日

傳來不幸的消息，望節哀。
這幾天，你應該會好忙、覺得很疲累吧，忙準備去旅行的事，忙讀書、忙project等等，日間都不敢打電話給你，怕打擾你，不要以為我不關心你呢，期待你每夜臨睡前的來電.. (見到就梗係好啦...)

2009年1月18日

早上八時，被一個唔好的夢"嚇"醒後，心情並不好過。唯有再睡一會，到了中午，你還未打電話給我，我就躺在床上，想想今天應該做些什麼，打掃地方、溫書、繼續睡覺 ?? 沒有一種是我想做的事情 ...
到了下午2時，我打了一通電話給你，心想應該又係留言信箱了，沒料到你竟可接聽到電話(我真係好討厭你常常沒有接到我的來電)，你說你看罷公公後，看看可否在上學前與我見一見...... 放下聽筒後，我就快快去洗頭沖涼。
與你見面後，我問陪你吃點東西才上學可好，你說好並提議再去那間上海飯店，我當然不反對啦，因為我係"陪"你食之嘛....... 我地又點了咸肉豆腐湯、上海粗炒，不同的是今次我地點了鍋貼，沒有小籠飽，吃飽飽後，行了一會apm，你就趕去上學了。
你快要去旅行啦，我地會有好多日不見，你會否記掛我呢.... 還是會樂而忘返呀 ?

2009年1月16日

放工後，我倆相約了在奧海城見面，待你回家放下物品後，就乘小巴出油麻地了。
你先去探望你公公，著我在附近商場行一會等你，你就像帶我去托兒所般，放低我在商場就走了.. 我行了陣，睇下衫，想著好唔好去另外一個商場行，但又怕你回來的時候找不到我，所以決定留在同一個商場內。再行了一會，就決定到商場門口等你，當我行近商場口的時候，正好就看見了你探完公公回來，真巧.... (咁有緣)
跟住，我地決定行一行教協，買些小禮物給我的姨甥們，快要付錢的時候，我才發現需要出示會員證，但我還未及問家姐借，你問我為何冇證都黎買野，咁我都唔知一定要有證架嘛，正猶豫係未要放棄購買的時候，你才慢慢拿出你跟朋友借的會員證出來，為何你不一早告訴我你有喎，嚇死我....... 你拿著的會員證上是一個女仔的名字......
走出教協，你話想去試觀塘的上海飯店晚飯，咁我地就行去油麻地站搭mtr，沿路有人口痕痕話要食野，一時話想食小小野，一時又話街邊檔的食物好熱氣，自問自答，想食未出聲囉，又冇話唔俾你食，後尾我地食了墨魚丸同埋武大郎燒餅，之前係openrice見過話這間燒餅係好好食，果然又熱騰騰又juicy，好味 ~~
食完"小食"，我都飽飽了，但我地都照舊去位於觀塘廣場的上海飯店"晚飯"，這間上海飯店營業左好耐架啦，之前我食過覺得好好味，所以帶你去試一試，我地點了咸肉豆腐湯、上海粗炒、小籠飽。佢地既小籠飽真係好好味架，$29元有十隻，好味又抵食，你最喜愛食上海粗炒，話佢地都炒得不錯，我都覺得係呀，又冇乜油。
今晚真係食左好多野... 我唔可以再係咁食架啦..... 節制節制。

2009年1月12日

早上，你 send msn 給我，問我今晚想唔想見你，仲加左一個面紅的公仔符號，見就梗係想見啦... 因為未來幾日我都要返學會見你唔到嘛 (加上天寒地凍都唔會有人接放學架啦 ~)，但點解你唔話係你想見我，問我出唔出黎啫 ..
我地又約左係奧海城等，你個樣好殘下喎 ~ 要瞓多d先得啦。我地去左一間韓國餐廳晚飯，同樣地點了她們的三色炒粉絲，再加一個我好想食的石頭鍋飯，我倆都很喜歡她們的柚子蜜呢。飯後，我們就去了油麻地。
你話你有點唔舒服，著我幫你按摩下後頸，我就幫你按，按按下看到你個樣好似好舒服咁，你睇下我對你幾好呀... 而你就成日都蝦我 ..

2009年1月9日

今天是第一次見你媽媽的日子。
接近放工的時間，我打電話給你，看看你在哪兒，原來你都未放工，所以我地就相約係奧海城等。我地係taste行了一轉，再買了一點東西，你說先上去你屋企先，然後再出街食飯，你帶我行出商場，根據你一直形容你的家，心想你應該是住舊樓的，但你居然帶我入了屋苑的大廈入口，我個心已經 "吓"左一聲，等lift的時候，我問你係未落，你話唔係呀係上，我已經又 "吓..吓"，說時遲那時快，已經被你拖入lift，又好快，lift門又再次開啟，已經到達你家門口了，我腦裡一片空白，只懂"吓...吓...吓.."，一路你都有望我個表情，在你家門口的時候，你問我 "做乜野"，我只懂答你 "你扼我 !"，有一刻想逃的念頭飛過.....
當你開門的時候，你媽媽已經迎上前來，你媽媽很客氣、好nice，跟之前的諗法很不一樣，看了一會電視，閒談了一會，我地就出去食飯了。
再走回商場，去了一間食上海野的小酒樓等候坐位，你媽媽著我倆行一會，由她一人等候坐位，我說不好意思的，但你已經拉我行了，行開果一刻，被你欺瞞的事情又浮出來，我問你你係未唔trust我，你話你點會唔trust我，除此之外我實想不到你為何要如此欺瞞我呢 ? 你的答案係你只不過未講哂"事實的全部"我知，諗住我倆stable d 的時候再說.. 又說我遲早都會知..云云。不久，你媽媽來電說已經有位了，我倆便回到食飯的地方，而我亦要從氣你的心情中回過來笑著的跟你媽媽說話。
吃過晚飯後，我地一行三人，你一隻手拖著我，一隻手搭在你媽媽的膊頭上走著，走回你家，你媽媽很客氣，切了一些橙讓大家一起吃，還讓我看她的房間。再坐了一會，大概十一時，我就走了。
再走到同一個巴士站，心情都係一樣的不好，不一樣的是今次你有送我回家，在巴士上又把問題說了一篇，結果都係你覺得冇問題... 再討論下去亦冇意思，我愛你所以唔想再傷害大家的感情。我只係想咁小的事，為何不可坦誠相對呢 ? 你"又"應承了我不會有下一次..
今次與你媽媽見面，覺得佢好nice呢，又讚了我很多次 "乖女" : )

2009年1月6日

仲有兩個幾星期你就要飛啦 ~~

2009年1月5日

今天是我們相識半週年 + 拍拖100天的日子，我又買了一份你唔多可以平日用既禮物俾你添 。
同樣地，因為你早過我放工，所以你會黎接我。見到面之後，我地就商量下去邊到食飯，你提議去食日本野或者去食"南亞"，當時我已經想食壽司啦... 你知啦..你唔多"好"日本野架嘛，難得你有咁既提議，就梗係唔放過啦 .. 咁今次就係我識你咁耐，第一次食日本野啦..
我地去左銅鑼灣的一壽司，食左好多好多碟，你同我都覺得佢地果碟"蛋"好好味，是夜就好似三文魚之夜咁，我地不停食了幾款唔同做法的三文魚，咁即係食左好多omega 3落肚啦... 覺唔覺我聰明左呀 ?
跟住，我地去了sogo閒逛，因為星期五會見下你媽媽，所以要去睇下買d乜野，行左一陣，又睇左一陣，終於決定到買d乜，咁我星期五lunch time就自己去sogo買啦...
你問我就快見你媽媽驚唔驚 ? ..... 未係好識驚 lor，過多一、兩日就唔知啦 ~

2009年1月4日

今日，大家都好忙 ~
下午2點，我放學啦.. 而你就係2點半開始上talk，完左talk之後，仲跟住要上堂。正當我準備回家吃晚飯的時候，你就打電話俾我啦... 你話你剛剛上完talk，我問你會唔會食d野先至上堂，你話 "都會食d既...."，咁我就由尖吵咀去旺角，陪你食左一個quick既麥當當。你好衰架.... 我都話唔食野咯... 你仲餵我食薯條同埋飲汽水，咁我幾時先可以減到肥喎 ... 我就快要做伴娘架嘛 。

2009年1月1日

睡至下午一時，一睜大眼，就收到你既電話啦 ~ (又會咁橋既 ~)
你說今天想去 City 溫書同埋做 gym，而我就說想在家裡溫書 (當然最尾我地係冇按計劃實行啦... )。掛線後，我就刷牙洗臉睇電視，其他野乜都冇做過。到下午兩點幾，你再打俾我，我話你知我煮緊全屋唯一一個米粉，仲要冇餸 ，你就話我應該分埋個半個米粉俾你食，免得我食咁多野 ，阿......少爺呀，聽聞今餐係我全日既第一餐喎......東拉西扯一輪後，你話不如我倆去megabox 行下，那我當然答應啦 ~ 由於我還未沖涼洗頭，所以你先來我家等埋我一齊出發 ...
你大概係3點幾就到達我家，一入門口，我見你拿著一個supermarket的袋，原來你知我屋企已經冇野食，專登係上黎之前，走去買了一些米粉、通粉、烏冬同埋水餃俾我，你真係鍚我喇 ~ hehehe，好開心呢 (唔好成日話我冇反應啦 ~ 鍚番你 ) 。
由於我要趕返媽咪家吃晚飯，所以冇行到megabox，只行了德福商場，行了幾間shop之後，你買了2條褲，我就要走了。回到媽咪家食飯後不久，你再次打俾我，問我陣間食完飯，去唔去megabox找你，你見到有d衫好平，可以過黎行下喎 ~ 我當然係又想見到你的情況之下答應去megabox找你啦 ~ (我倆有點痴纏 )，最後你再買了一條褲，而我就買了張學友的新碟送俾你，希望你快點買部新DVD機之後，我地可以欣賞下隻新碟啦 ~