2009年2月25日

今天放工後，你要去傾 project，而我亦要上學去。
因為我太頂唔順個 lecturer 只係把 powerpoints 讀一片，還未到放學的時間，我就走左lu，返到家不久，就接到你的電話說在回家的途中，你好少會返緊屋企的時候打電話俾我，but 我喜歡你咁樣做喎，因為好過淨係臨睡前才可收到你的電話。
收線後，我又開始睇我本書，睇左好似好耐都唔見你打電話俾我，望一望個鐘，原來已經12點幾啦，咁我就打電話俾你囉... 同樣地，打了2次都冇人聽..，唉.......... 我便躺在床上，一邊等你電話，一邊睡覺，不知過了多久，你打番電話給我，那時候已經一點啦... 你還弄緊你份功課... 知道你一向不喜歡夜瞓，而家夜瞓之餘，仲要做緊功課，真的怕你太辛苦。在電話中，你係 keep 住做緊你份功課的，不停叫我等等...等等，其實我唔介意 dead air 咁樣等你架，因為我都仲可以聽下你的呼吸聲嘛... (有點sick )。你說忙完之後，想去澳門charge電(心諗有冇我份架?)，跟住你話咁緊係去左半島先啦.. (咁即係有我份去澳門啦... )，唔...... 兩樣都係聽住先啦 ~~ 都唔知何時會兌現 ..

2009年2月24日

前幾天，因為手提內的sms太多，多得無法再send出 message，所以要delete一些。我重看一篇 inbox 並 delete 一些無關重要的message，我再次看到跟你初相識時的message，真係有種好sweet的感覺，原來係我地拍拖前，你已經有send message 問我有冇掛住你啦.....
這天，與你的親戚們吃晚飯，她們很有趣呢，一d都唔似好formal的長輩 。
晚上，你來了我家，我地終於分享了你於情人節那天買的朱古力，你仲幫我戴上了你送的頸鍊 ，d朱古力真係好好食，仲發生左一段小插曲添.... 希望你唔好留有陰影啦..... (忍唔住好想笑添 )

2009年2月23日

你今日勁 miss 左我的電話，有6個咁多
晚上，我去了做 facial，而你剛好與家人在附近吃晚飯，心想唔知可唔可以見到你呢 做完 facial 打俾你，又冇人聽，我真係如果有事都唔知點搵到你，miss call 的事情已經講到我口水乾，唔再講啦..... 行到地鐵站附近，再試下打電話俾你，又係冇人聽 (無名火起呀..... 今日第6次miss左我的call )，我索性搭地鐵返歸唔等你了，況且你都冇講過你想見到我 。
就係我搭緊地鐵的時候，你終於覆電話，你仲食緊飯，講講下，你話你舅父想同我講兩句，我腦海中就浮現左你上次俾我睇你舅父的相，來不及反應，你舅父已經係電話到同我say緊hi，我都唔識得講咩好，又唔知應該點樣稱呼佢，佢問 "想唔想見下阿舅父呀 ? 一齊食飯呀 ? "，我淨係識笑，唔識答，又係我唔知答左咩的時候，個電話又pass 番俾你，你講話聽晚食飯喎..... 云云。。
連續很多天的晚上，我地的臨睡前電話都好短，講唔夠兩句，你就話好疲累要瞓覺，冇乜溝通 (deeply果種)，我知道亦好明白，你係好疲累的，這幾天四圍走，又要應付考試、交功課、present、同埋又要考試，係會少見面同埋溝通既，唔好get worse 就好啦，希望這段時間會快d過.... 遲d你又要上whole day 的堂，又會唔得閒理我....

2009年2月21日

我已經病了2天了，間歇性發燒，又不停流鼻水，下午原先要返學的，都冇能力上學了，但我都堅持出席夜晚好朋友結婚前的第一次兄弟姐妹聚會。而你就如常下午到cu返學。
當我到達朋友家不久，就接到你的來電，說你剛放學問我何時走得，想過黎找我，那當然冇咁快啦，我才剛剛坐下。所以你就先回家待晚一點才出來找我。在朋友家傾rundown的時候，我個頭已經"wing wing"下，好唔舒服 ..大約八時多，我打電話給你說我可以走了，你媽媽以為我在街等你，問我過唔過黎你地度食飯，佢真係好人呢.. 但係我係沙田喎.. 都係下次先再去探下你媽媽了。
我地約左係旺角等，哈哈... 你見到我的時候，完全唔敢行得咁埋，全程一點都唔"親密"，其實我都好怕傳染你，我都唔想你病架嘛... 我有諗過叫你帶個口罩俾我，但講講下個rundown又唔記得左... 後來，你話去apm行下，因為你今日點都要送我呢個病人返屋企喎 ~
去到apm，我地行左吉之島，買了一些糧餉，付錢的時候，你想幫我俾，我話唔使，仲自己俾左。之後，你問我點解唔使你幫我俾.. 哈哈... 咁我以後唔同你爭囉... 你鍾意俾就你俾哂啦... hehe
臨睡前與你通電話，你話我把聲好番d.. 問我係唔係見到你就好番... .... 係呀.... 傻佬，咁我係唔係可以唔使睇醫生呀 ?

2009年2月18日

很喜歡早上打電話叫你起身的時候，你說 "早晨"的聲音 。

2009年2月14日

今天係情人節，又係我整野食俾你的時候啦，今日係整 "麥堤莎糯米磁"，你估黎估去都佑唔到我買麥堤莎仲乜。所需道具如下：麥堤莎、糯米粉、糖、牛油、椰絲、膠手套。
先先將糯米粉同埋水mix together，水同埋糯米粉的比例係 1:1.25，再加少少糖，攪攪攪 ~ 由於冇微波爐的關係，只可以將攪拌好的混合物拿去蒸，蒸15分鐘就可以了，微波爐就叮4分鐘，蒸之前要用可抵受高溫的保鮮紙包一包，以免蒸的時候有倒汗水影響份量。蒸完之後，要放涼一會才可以開始包，因為太熱麥堤莎會溶架，放得太涼又會包唔到，要自己feel下個溫度，包的時候，要戴膠手套，膠手套上要塗少許 melt 左的牛油，如果唔係就成隻手都係粉團，包唔到架啦 ~ 包法就係好似包湯圓咁囉，之後，佔上椰絲就大功告成架啦.... 食得架啦 ~ 聽講又雪櫃拿出來食會好味d架 。
整完麥堤莎糯米磁後，我要執一執自己，然後就出去找你，過我們第一個情人節啦 ~
我地約左係又一城等，見到你的時候，你係拿著 GODIVA 的紙袋，你話買左一盒朱古力，等我地食完飯一齊食 ~ (so sweet 呢 )。原先你有book到餐廳食晚飯既，但後來我地覺得個set唔多啱食，所以我地又行下睇下有邊間餐廳好，行左一陣，都係決定去番apm。 apm 有一間食pizza 的餐廳，見佢地個set好似ok咁，我地未試下囉，但係佢地的出品真係好唔掂囉，都唔好食既，你話下個月補番餐半島酒店架，唔好講過唔算數呀。
將近晚飯的尾聲，我地交換了禮物，多謝你送既頸鍊呀 ，我問你喜唔喜歡我送給你的belt，你都係答standard answer "喜歡.... 點解唔喜歡呀"
飯後，你就好像一個小朋友咁，說好想行一會淘大，我都有好幾年未去過，就同你行下啦 ~ 原來依家的淘大商場都有d賣得意野的舖頭架，你係我的"詢問"下，買了一支布做的玫瑰花給我，好喜歡呢 ，支玫瑰花會放係我床頭陪我覺覺豬架 ~
回到我家附近後，見時間上早，我地又去了麥當當坐了一會才回家，係呀，未就係我地初拍拖去過果間囉 ~~

2009年2月13日

剛才，同你食lunch，好開心 ~ 感覺好甜呢 ~ 係你第一次係working day 可以同我一齊食lunch 呀 ~
你一改平時鍾意飲茶的習慣，話想食西餐，我諗黎諗去都想不到那兒有set lunch 食，於是我地就行去 lan kwai fong 看看睇下有咩啱食，最後我地去左 Taj 食印度菜，點左 soup, lamp chop, curry fish, iced coffee 同埋 cheese cake，個curry fish 同埋 lamp chop 又真係整得幾好味喎，個curry 好有d家鄉curry feel，食完 main course，你係枱面上拖著我隻手 ，我就餵你食 cheese cake，so sweet 呢 ~

Taj Bar and Restaurant --> http://www.openrice.com/restaurant/sr2.htm?shopid=18972

2009年2月12日

晚上，跟你談電話，你說你會明天下午請假，咁你就可以走過黎中環同我食lunch，之後先返屋企溫書。聽罷，好 surprise 呀 ~ 估唔到你會咁樣做呢 ~ 你都講得啱既，遲d我要搬離中環，都冇乜幾可可以同我係working day 食到lunch lu ~ 希望明天如無意外咁可以同你 lunch lunch 啦 ~~
後日就係 Valentine's day 啦 ~

2009年2月11日

這兩天，你好忙、好累，一直都沒有問你星期六會怎樣安排，其實我應該唔問你，到時先至算既。晚上，問了你為何好似對於情人節不太重視，你好快咁答我 "日日都係情人節啦" ，咁你又講得啱喎，其實有你陪我就已經好好啦 ~~

2009年2月9日

今天是元宵節，我倆一起外出吃飯。
到我放工的時間，你還未可以走，所以我就到奧海城等你。見面後，決定去食橫綱拉麵，今次我地終於試到佢隻塘心蛋啦，不過冇想像中咁好味，仲食左我地喜歡的餃子，補番前幾日係另外一間食肆超肉酸餃子的數 。
飯後，我地拖住手仔慢步回旺角，又行下商場，很喜歡這種得我倆的拍拖時間 。

2009年2月7日

今日，好俾心機整左第一個cake俾你，先先去了無印買了一盒原味蛋糕粉，你話鍾意原味嘛 ~
首先，將蛋黃同蛋白分開，放在不同的器皿 ~ 載有黃白的器皿要放進雪櫃裡凍一凍..

加盒內已預備好的蛋糕粉在有黃蛋的器皿 ~
攪攪攪 ~ 攪埋去 ~ (隻右手已經開始痺痺地)
另外，由雪櫃取出蛋白 ~
攪攪攪 ~ 因為冇機打，要用手打，打到我隻手軟哂 ~ (有冇人錫番我呢 ~ )

將攪好的黃白加進蛋黃 + 蛋糕粉的混合物內，再努力攪攪攪 ~ (隻手好攰呀 ~)
攪好左就倒進隨包裝附送的紙模內 ~
我冇焗爐，但有一個可以焗蛋糕的電飯煲，把紙模放進電飯煲內 ~
45分鐘後 ~ 得左啦~~ 從紙模的虛線撕下周邊的紙就大功告成啦 ~ yeah ~
我係天才呀 ~~~
你喜唔喜歡呢 ?

2009年2月5日

放工後，約左朋友去PP閒逛，目的是我倆都要買情人節禮物送俾自己心愛的人。在起行之前，與你講了一通電話，你已經估到我係準備去買你的情人節禮物。
原先，在你去旅行前，我以為係大家一齊買一對禮物的，待你回來後，才知道你已經在歐洲買了我的情人節禮物，咁我唯有在這幾天努力想想買什麼給你啦~
去到PP，我好快已經挑選到你的禮物啦.. 在臨睡前的電話中，你又再一次喜歡猜我買了什麼給你，其實你一開始已經估中左我買的係什麼禮物，但我沒有告訴你，只是跟你說只可以估牌子名，俾了提示後，你好快就估到，其實我仲諗緊你是否知道這個牌子，你說你知道這個牌子是因為以前有人送過這個牌子的物品給你，平時的我不喜歡追問你事情，因為怕自己會唔開心，都唔知仲乜今次我會問你，得知係你以前的EX送過這個牌子的物品給你後心中已經不是味兒，及後，當你知道我送什麼給你，你說佢地該產品的品質很好，又點點點咁，我係未可以假定你以前個EX同樣係送了你同樣的物品呢 ? 咁係未即係我地不約而同地買了同牌子，同產品給你，你知道我會覺得很難受嗎 ? 很可惜我不知道如何去表演我為何覺得難受。我知道你係無心說給我知的，但女孩子聽到以後往往又係另外一回事。在電話中，我確實有唔開心、同埋個心抽了幾下的感覺。

2009年2月3日

早上打電話給你，看看是否依原定所說在我還未開工前與你再吃lunch，但你沒有開電話，直到11點都找不到你。我猶疑著應該先出門口在你公司附近等你電話或是待在家中等你電話，若是在家中等，恐怕來不及出門口，所以決定自己去乘小巴找你。在我上了小巴付了車費後，你終於打電話俾我，說你今天sick leave，沒有返工，好彩小巴還未開車，咁我未同司機講我唔搭，叫佢回水囉。下車後，我問使唔使同你去睇醫生，你話都好，咁我又搭地鐵找你，但原來你睇開個醫生要下午4點先應診，所以我就先同你去食澳洲牛奶公司，再行一陣街。後來你有要事要做，咁我就自己返屋企休息一會，而晚上我就到了你屋苑的會所同你一齊溫書。
你真係係每一個國家都買了一份手信給我，很開心呢，因為你去了每一個地方都想起我。手信包括：一個悠久牌子的hand made 水晶杯、一盒溫泉餅、一盒好好味的朱古力(食緊~)、一支好特別的可口可樂、同埋一個bear bear 匙扣，多謝你呀 ~

2009年2月2日

今年，我公司初十先開工，所以可以第一次去你公司附近同你食lunch。好多日冇見過你啦… 係地鐵站等你由公司出黎，唔知你係未好疲累，定係jetlag 呢，見到我的時候，一d都冇因為多日不見，而額外excited，只係淡然的走過。可能你喉嚨真的很不舒服，除了我倆一起看你旅行相時精神一點外，你成個lunch都表現得沒精打采。

2009年2月1日

好開心呀~~ 一早起來，就收到你幾個sms，你說已在莫斯科等緊轉機。
下午，我又如常上學去，唔知點解越上越頭痛，下課後，就回媽咪家吃飯，吃飽飽後回自己家。哈哈.. 我傻左呀，一邊望住個鐘，一邊係度笑呀 ，因為你班機就黎到香港啦 ~~~ yeah ~~