2009年1月5日

今天是我們相識半週年 + 拍拖100天的日子，我又買了一份你唔多可以平日用既禮物俾你添 。
同樣地，因為你早過我放工，所以你會黎接我。見到面之後，我地就商量下去邊到食飯，你提議去食日本野或者去食"南亞"，當時我已經想食壽司啦... 你知啦..你唔多"好"日本野架嘛，難得你有咁既提議，就梗係唔放過啦 .. 咁今次就係我識你咁耐，第一次食日本野啦..
我地去左銅鑼灣的一壽司，食左好多好多碟，你同我都覺得佢地果碟"蛋"好好味，是夜就好似三文魚之夜咁，我地不停食了幾款唔同做法的三文魚，咁即係食左好多omega 3落肚啦... 覺唔覺我聰明左呀 ?
跟住，我地去了sogo閒逛，因為星期五會見下你媽媽，所以要去睇下買d乜野，行左一陣，又睇左一陣，終於決定到買d乜，咁我星期五lunch time就自己去sogo買啦...
你問我就快見你媽媽驚唔驚 ? ..... 未係好識驚 lor，過多一、兩日就唔知啦 ~